एजेन्सी – रोयल च्यालेन्जर्स बेंगलोरका तीव्र गतिका बलर हर्षल पटेल इन्डियन प्रिमियर लिग (आइपिएल) २०२१ को मोष्ट भ्यालुएबल खेलाडी चुनिएका छन् । शुक्रबार भएको फाइनलमा चेन्नई सुपर किंग्सले कोलकता नाइट राइडर्सलाई २७ रनले हराउँदै उपाधि जितेको थियो ।

बेंगलोरलाई एलिमिनेटर सम्म पुर्याउन हर्षलले उत्कृष्ट प्रदर्शन गरेका थिए । हर्षलले १५ खेलमा ३२ विकेट लिएका थिए । जुन एकै सिजनमा लिएको सर्वाधिक विकेट लिने कीर्तिमान बराबर गरेका हुन् । चेन्नईका ड्वेन ब्राभोले पनि २०१३ मा ३२ विकेट लिएका थिए । चेन्नई सुपर किंग्सका ओपनर ऋतुराज गायकवाडले सर्वाधिक रन बनाउँदै ओरेन्ज क्याप जितेका छन् ।

चेन्नईलाई च्याम्पियन बनाउन ऋतुराजले सर्वोत्कृष्ट प्रदर्शन गरे । ऋतुराजले १६ खेलमा १ शतक र ४ अर्धशतक सहित कुल ६ सय ३५ रन बनाएका थिए । ऋतुराजनै इमर्जिङ प्लेयर अफ द टुनामेन्ट घोषित भएका छन् । चेन्नईले पुरस्कार स्वरुप २० करोड भारु प्राप्त गरेको छ । उपविजेता कोलकताले १२ करोड ५० लाख रुपैयाँ प्राप्त गरेको छ ।

अन्य सम्पूर्ण अवार्ड :

फेयर प्लेअवार्ड : राजस्थान रोयल्स

क्याच अफ द सिजन : रवि विश्रोई (पन्जाब किंग्स) अहमदाबादमा कोलकता नाइट राइडर्सविरुद्ध सुनिल नारायणको डीप मिडविकेटमा लिएको क्याच ।

सुपर स्ट्राइकर अफ द सिजन : शिम्रन हेटमायर (दिल्ली क्यापिटल्स) १६८ स्ट्राइक

गेमचेन्जर अफ द सिजन : हर्षल पटेल

सर्वाधिक छक्का : लोकेश राहुल (पन्जाब किंग्स), ३० छक्का

पावर प्लेयर अफ द सिजन :

वेंकटेश ऐर (कोलकता नाइट राइडर्स)

यो पनि पढ्नुहोस्ः चेन्नईलाई आइपिएल उपाधि