एजेन्सी – भारतीय क्रिकेट टोलीका पूर्व कप्तान महेन्द्रसिंह धोनीले टि२० क्रिकेटमा नयाँ कीर्तिमान बनाएका छन् । धोनी टि२० क्रिकेटमा ३ सय खेलमा कप्तानी गर्ने विश्वकै पहिलो खेलाडी बनेका छन् । इन्डियन प्रिमियर लिग (आइपिएल) २०२१ मा चेन्नई सुपर किंग्सका कप्तान धोनीले फाइनल खेलमा कोलकता नाइट राइडर्सविरुद्ध शुक्रबार ३ सय खेलमा कप्तानी गरि रहेका छन् ।

धोनीले भारतीय टिम, चेन्नई सुपर किंग्स, राइजिङ पुणे सुपरजायन्ट सहित कुल चार टिमबाट ३ सय खेलमा कप्तानी गरेका हुन् । धोनीपछि वेस्टइन्डिजका पूर्व कप्तान ड्यारेन स्यामीले २ सय ८ खेलमा कप्तानी गरेका छन् । स्यामीले कुल ११ टिमको कप्तानी गरेका छन् । यी दुई खेलाडी बाहेक अन्य कप्तानले २ सय खेलको आँकडा छुन सकेका छैनन् ।

भारतीय क्रिकेट टोलीका कप्तान विराट कोहलीले १ सय ८५, पूर्व ओपनर गौतम गम्भीरले १ सय ७० र रोहित शर्माले १ सय ५३ खेलमा कप्तानी गरेका छन् । धोनीले चेन्नईको २००८ देखि कप्तानी गर्दै आएका छन् । धोनीले २००७ देखि २०१६ सम्म भारतीय क्रिकेट टोलीको कप्तानी गरेका थिए ।

धोनीले २०२० मा भारतीय क्रिकेट टोलीबाट सन्न्यास लिएका थिए । धोनीको कप्तानीमा चेन्नईले तीन पटक उपाधि जित्दा पाँच पटक उपविजेता बनेको थियो । आइपिएल २०२१ को फाइनलमा चेन्नईले कोलकताविरुद्ध पहिला ब्याटिङ गरि रहेको छ ।

यो पनि पढ्नुहोस् : धोनी पनि भारतको विश्वकप

टोलीमा धोनीबाट सिक्नुपर्ने पाँच कुरा

शालीन खेलाडी, सफल कप्तान : धोनी युगको पूर्णविराम