काठमाडौं (हाम्रो खेलकुद) – भैरहवा ग्ल्याडियटर्सले एभरेष्ट प्रिमियर लिग (इपिएल) को दोस्रो क्वालिफायर खेलमा पोखरा राइनोजविरुद्ध टस हारेर पहिला ब्याटिङ गर्ने भएको छ । टियु क्रिकेट मैदानमा पोखरा कप्तान विनोद भण्डारीले टस जितेर पहिला फिल्डिङ गर्ने निर्णय लिएका छन् ।

पोखराले आजको खेलमा टोलीमा दुई परिवर्तन गरेको छ । स्पिनर सुशान भारी र सुनिल धमलालाई पोखराले बेन्चमा राखेको छ । युवा ओपनर विपिन रावल र रित गौतमलाई आजको खेलमा प्लेइङ ११ मा मौका दिएको छ । पहिलो क्वालिफायरमा कमजोर ब्याटिङका कारण टोलीमा दुई परिवर्तन गरेको हो ।

भैरहवाले टोलीमा दुई परिवर्तन गरेको छ । तीव्र गतिका बलर कृष्ण कार्कीको स्थानमा स्पिनर भुवन कार्कीलाई मौका पाएका छन् । वंगलादेशका ओपनर तमिम इकबाल पनि टोलीमा छैनन् । चोटका कारण एलिमिनेटर खेलमा उनी टोली दोस्रो इनिङमा फिल्डिङ गरेका थिएनन् । उनको स्थानमा शार्विन मुनिआन्दीलई मौका दिएको छ । मलेसिया शार्विनले इपिएलमा डेब्यू खेल खेलेका छन् ।

भैरहवा ग्ल्याडियटर्सले एलिमिनेटर खेलमा काठमाडौं किंग्स इलेभेनलाई १६ रनले पराजित गर्दै क्वालिफायरमा स्थान बनाएको थियो । पोखरा राइनोज पहिलो क्वालिफायरमा चितवन टाइगर्ससँग ९ विकेटले पराजित भएको थियो । आजको विजेताले फाइनलमा चितवन टाइगर्ससँग खेल्नेछ ।

भैरहवा प्लेइङ ११ :

शरद भेषावकर (कप्तान), रोहित कुमार पौडेल (उपकप्तान), आरिफ शेख, कुशल मल्ल, अभिनाश बोहरा, प्रदीप ऐरी, उपुर थंरगा, शार्विन मुनिआन्दी, धाम्मिका प्रसाद, दुर्गेश गुप्ता र भुवन कार्की ।

पोखरा प्लेइङ ११

विनोद भण्डारी (कप्तान), विपिन रावल, विक्रम सोब, लोकेश बहादुर बम, रित गौतम, विवेक कुमार यादव, किशोर महतो, नन्दन यादव, रिचार्ड लेभी, साहन अर्चाचिगे र असेला गुणरत्ने ।