काठमाडौं (हाम्रो खेलकुद) – भैरहवा ग्ल्याडियटर्सले एभरेष्ट प्रिमियर लिग (इपिएल) चौथो संस्करणको एलिमिनेटर खेलमा काठमाडौं किंग्स इलेभनेविरुद्ध पहिला ब्याटिङ गर्ने भएको छ ।

टियु मैदानमा भैरहवा कप्तान शरद भेषावकरले टस जितेर पहिला ब्याटिङ गर्ने निर्णय लिएका हुन् । भैरहवाले आजको खेलमा टोलीमा कुनै परिवर्तन गरेको छैन । काठमाडौंले टोलीमा तीन परिवर्तन गरेको छ । कर्णालीका तीव्र गतिका बलर दीनेश अधिकारीले इपिएलमा डेब्यू गरेका छन् । त्यस्तै शेर मल्ल टोलीमा फर्किएका छन् ।

अफगानिस्तानका विकेटकिपर ब्याटर रहमानउल्लाह गुरबाजको स्थानमा जनक प्रकाशलाई खेलाएको छ । गुरबाज राष्ट्रिय टोलीको ड्युटीको कारण अफगानिस्तान स्वदेश फर्किएका छन् । पहिलो खेलबाट सुबास खकुरेल, मोहम्मद साम्सद शेख र गुरबाजलाई बेन्चमा राखेको छ । दीनेश, शेर र जनकलाई मौका दिएको हो ।

यस खेलको विजेताले फाइनल प्रवेशका लागि दोस्रो क्वालिफायरमा पोखरा राइनोजसँग खेल्नेछ । चितवनले पहिलो पहिलो क्वालिफायरमा पोखरालाई ९ विकेटले पराजित गर्दै फाइनलमा स्थान बनाएको छ । फाइनल शनिबार हुनेछ ।

काठमाडौंको प्लेइङ ११ :

सन्दीप लामिछान(कप्तान), राजु रिजाल, असान प्रियंजन, दीनेश अधिकारी, जितेन्द्र मुखिया, गुलशन झा, अमित श्रेष्ठ, रायन बर्ल, जनक प्रकाश, अमरसिंह राउटेला र शेर मल्ल ।

भैरहवा प्लेइङ ११ :

शरद भेषावकर (कप्तान), रोहित कुमार पौडेल (उपकप्तान), आरिफ शेख, कुशल मल्ल, अभिनाश बोहरा, प्रदीप ऐरी, उपुर थंरगा, तमिम इकबाल, धाम्मिका प्रसाद, दुर्गेश गुप्ता र कृष्ण कार्की ।