काठमाडौं (हाम्रो खेलकुद) – एभरेष्ट प्रिमियर लिग (इपिएल) चौथो संस्करणको १३ औं खेल काठमाडौं किंग्स इलेभेन र भैरहवा ग्ल्याडियटर्सबीचको खेल स्थगित भएको छ । भैरहवा र काठमाडौं दुबै टोलीका कप्तान, अम्पायर, इपिएल प्रमुख आमिर अख्तर, कमेन्टरको लामो समयको छलफलपछि खेल स्थगित गर्ने निर्णय लिएका हुन् ।

टियु मैदानमा बिहान सामान्य वर्षा भएको थियो । त्यसपछि मैदानमा घाम लागेपनि खेल हुन नसकेको हो । दुबै टोलीका खेलाडीले केहि समय मैदानमा अभ्यास गरेका थिए । खेल नुहने भएपछि मैदान छाडेका छन् । ओभर घटाएर खेल हुने सम्भावना देखिएको थियो । तर भिजेको आउटफिल्डको कारण खेल हुन सकेन ।

यस खेल पुन अर्को मितिमा हुनेछ । काठमाडौंले पहिलो खेलमा साविक विजेता ललितपुरलाई ७ विकेटले पराजित गरेको थियो । दोस्रो खेलमा चितवन टाइगर्ससँग ३ विकेटले पराजित भएको थियो । विराटनगरले पहिलो खेल पोखरा राइनोजसँग अंक बाँडेको थियो । विराटनगर भैरहवासँग ६ विकेटले पराजित गरेको थियो ।

तेस्रो खेलमा ललितपुरसँग खेल टाइ हुँदा अंक बाँडेको छ । काठमाडौंलाई प्लेअफमा स्थान बलियो बनाउन जित्ने पर्ने दबाब थियो । काठमाडौं २ खेलमा १ मा जित र १ मा हार सहित पाँचौ स्थानमा छ । भैरहवा ३ खेलमा १ मा जित सहित ४ अंक सहित दोस्रो स्थानमा छ । काठमाडौंले आइतबार विराटनगर वारियर्ससँग खेल्ने छन् । भैरहवाले सोमबार चितवन टाइगर्स खेल्ने छ । शनिबार दोस्रो खेलमा विराटनगर र पोखराबीच प्रतिस्पर्धा हुने छ ।

अंक तालिका

चितवन ३ खेलमा ३ मानै जितका साथ ६ अंकका साथ शीर्षस्थानमा छ । भैरहवा ३ खेलमा १ मा जित र दुई खेलमा अंक बाड्ँदै ४ अंकका साथ दोस्रो स्थानमा छ । पोखरा ३ खेलमा एकमा जित र १ मा हार सहित ३ अंकका साथ तेस्रो स्थानमा छ ।

ललितपुर ४ खेलमा १ मा जित, २ मा हार सहित ३ अंक जोड्दै बाँड्दै चौथो स्थानमा छ । काठमाडौं २ खेलमा १ मा जित र १ मा हार सहित २ अंकका साथ पाँचौं र विराटनगर वारियर्स ३ खेलमा अंक विहिन हुँदै पुछारमा छ ।