कााठमाडौं (हाम्रो खेलकुद) – एभरेष्ट प्रिमियर लिग (इपिएल) चौथो संस्करणको ११ औं खेलमा विराटनगर वारियर्सले ललितपुर प्याट्रियटर्सविरुद्ध पहिला फिल्डिङ गर्ने निर्णय लिएको छ ।

टियु क्रिकेट मैदानमा विराटनगरका कप्तान करण केसीले टस जितेर पहिला फिल्डिङ गर्ने निर्णय लिएका हुन् । विराटनगरले टोलीमा कुनै परिवर्तन गरेको छैन । ललितपुरले एक परिवर्तन गरेको छ । भारतीय विकेटकिपर ब्याटर जयकिशन कोल्सावालालाई ललितपुरको टोलीमा छन् । उनी यसअघि ललितपुरको टोलीमा थिएनन् । २०१८ मा ललितपुरले उपाधि जित्दा कोल्सावालाले उत्कृष्ट प्रदर्शन गरेका थिए । ललितपुरले ओशदा फर्नान्डोलाई बाहिर राख्दै कोल्सावालाई मौका दिएको छ । ब्याटिङमा कमजोर प्रदर्शन गरेपछि ललितपुरले कोल्सावालाई टोलीमा समेटेको बुझिएको छ ।

२०१८ मा कोल्सावालाले ललितपुरबाट ७ खेलमा २ अर्धशतक सहित कुल १ सय ८८ रन बनाएका थिए । २०१९ मा धनगढी प्रिमियर लिग (डिपिएल) मा सिवाइसी अत्तरियालाई उपाधि जिताउन उत्कृष्ट प्रदर्शन गरेका थिए । पोखरा प्रिमियर लिग (पिपिएल) को दोस्रो संस्करण कोल्सावाले काठमाडौं गोल्डेनबाट खेलेका थिए ।

विराटनगर पहिलो खेलमा चितवन टाइगर्ससँग २ विकेट र भैरहवा ग्ल्याडियटर्ससँग ६ विकेटले पराजित भएको थियो । ललितपुर पहिलो खेलमा काठमाडौं किंग्स इलेभेन ७ विकेट र पोखरा राइनोजसँग ९ विकेटले पराजित भएको थियो । भैरहवासँग खेल बराबर भएपछि ललितपुरले अंक बाँडेको थियो । दुबै टोलीले प्लेअफको सम्भावना कायमै राख्न आजको जित जित्नै पर्ने हुन्छ ।

ललितपुरको प्लेइङ ११ :

कुशल भुर्तेल (कप्तान) सन्दीप जोरा, राशिद खान, पवन सरार्फ, योगेन्द्रसिंह कार्की, रिजन ढकाल, ललितनारायण राजवंशी, नारायण जोशी, सन्दुन वीराक्कोडी, जयकिशन कोल्सावाला, अजमतुल्लाह ओमरजाई ।

विराटनगर प्लेइङ ११ :

करण केसी (कप्तान) आसिफ शेख (विकेटकिपर), अनिल कुमार शाह, रामनरेश गिरी, सौरभ खनाल, सुमित महर्जन, प्रतिश जि.सी, वसन्त रेग्मी, दिलशान मुनाविरा, चन्द्रपाउल हेमराज र सिकन्दर राजा ।