काठमाडौं (हाम्रो खेलकुद) – चौथो संस्करणको एभरेष्ट प्रिमियर लिग (इपिएल) मा बुधबार हुने पहिलो खेल ललितपुर प्याट्रियटर्स र पोखरा राइनोजबीचको खेल ढिलो सुरु हुने सम्भावना छ । यसअघि सोमबार र मंगलबार वर्षा र भिजेको आउटफिल्डको कारण खेल हुन सकेको थिएन । बुधबार पोखरा र लतिपुरबीचको पहिलो खेल निर्धारित समय अनुसार ९ः ३० बजे सुरु हुनुपर्ने हो ।

तर भिजेको आउटफिल्डको कारण सुरु हुन सकेको छैन । टियुमा बिहानै देखि घाम लागेको हुँदा खेल ढिलो सुरु हुने सम्भावना छ । आउटफिल्ड सुकाउन मैदानका कर्माचारी निरन्तर खटि रहेका छन् । ललितपुरको टोलीले पेभिलिएनतर्फ बाउन्डी भित्र अभ्यास सुरु गरेको छ ।वर्षा नभएको खण्डमा खेल ढिलो सुरु हुने सम्भावना छ । ओभर घटाएर खेल हुने सम्भावना छ ।

आज दोस्रो खेलमा भैरहवा ग्ल्याडियटर्स र विराटनगर वारियर्सबीचको खेल हुनेछ । वर्षा र भिजेको आउटफिल्डको कारण सोमबार र मंगलबारका खेल लगातार स्थगित भएपछि इपिएलले २४ घण्टा बित्न नपाउँदै दुई पटक खेल तालिका परिवर्तन गरेको थियो । इपिएलले सोमबार राती नयाँ तालिका सार्वजनिक गरेको थियो । तर मंगलबारको पनि खेल हुन नसकेपछि पुन नयाँ तालिका सार्वजनिक गरेको छ । सोमबार तालिका अनुसार चितवन टाइगर्सले लगातार चार खेल खेल्नुपर्ने थियो । इपिएलले एक पटक स्थगित भएका खेलहरु अब वर्षाको कारण पुनः स्थगित भएमा अंक बाँडिने जनाएको छ ।

बुधबार र बिहिबार पनि काठमाडौंमा वर्षाको सम्भावना छ । मंगलबार पोखरा र काठमाडौंबीचको खेल स्थगित भएको थियो । सोमबार पहिलो खेलमा काठमाडौं र विराटनगर तथा भैरहवा ग्ल्याडियटर्स र चितवन टाइगर्सबीचको खेल स्थगित भएको थियो । आइतबार दोस्रो खेलमा पोखरा भैरहवाबीचको खेल वर्षाको कारण रद्ध भएको थियो । भैरहवा र पोखराबीचको खेल दुबै टोलीले अंक बाँडेका थिए ।

यो पनि पढ्नुहोस् : इपिएलको खेल तालिका परिवर्तन