काठमाडौं (हाम्रो खेलकुद) – चौथो संस्करणको एभरेष्ट प्रिमियर लिग (इपिएल) उद्धघाटन खेलमा ललितपुर प्याट्रियटर्सका कप्तान कुशल भुर्तेल पहिलो बलमै क्याच आउट भएका भएका छन् । टियु मैदानमा टस हारेर पहिला ब्याटिङ थालको ललितपुरले सुरुवाती एक ओभरमा ३ रन जोड्दै २ विकेट गुमाएको छ ।

तीव्र गतिका बलर जितेन्द्र मुखियाको बलमा ठूलो सट खेल्ने धुनमा कुशल भुर्तेल पहिलो बलमै टप एज लागेर विकेटकिपर रहमानउल्लाह गुरबाजबाट क्याच आउट भएका छन् ।

ललितपुरमा आजको टोलीमा भुटानका ब्याट्सम्यान मिक्यो दोर्जी खेलेका छन् । ललितपुरले तीन विदेशी खेलाडीमा मिक्योसँगै श्रीलंका सन्दुन वीराकीडो र ओशदा फर्नान्डोलाई खेलाएको छ । काठमाडौंले विदेशी खेलाडीको रुपमा शाहिद अफ्रिदी, रहममानउल्लाह गुरबाज र रयान बर्ललाई खेलाएको छ । मुखियाले अन्तिम बलमा श्राीलंका ब्याट्सम्यान सन्दुन वीराक्कोडीलाई दुई रनमा क्याच आउट गराउँदै काठमाडौंलाई उत्कृष्ट सुरुवात दिलाएका छन् ।

हेड टु हेड : इपिएलमा काठमाडौं र ललितपुरबीच तीन खेल भएका छन् । तीनै खेलमा ललितपुर विजयी भएको छ । २०१८ मा ललितपुरले काठमाडौंलाई एक रन र १० विकेटले पराजित गरेको थियो । २०१७ मा ललितपुर ७ विकेटले विजयी भएको थियो ।

काठमाडौंको प्लेइङ ११ : सन्दीप लामिछाने (कप्तान), जितेन्द्र कुमार मुखिया, अमित श्रेष्ठ, राजु रिजाल, सुवास खकुरेल, शेर मल्ल, गुलशन झा, सिद्धान्त लोहनी, रयान बर्ल , शाहिद अफ्रिदी. रहमानउल्लाह गरबाज ।

ललितपुरको प्लेइङ ११ :

कुशल भुर्तेल (कप्तान) सन्दीप जोरा, राशिद खान, पवन सरार्फ, योगेन्द्रसिंह कार्की, रिजन ढकाल, शंखर राना, नारायण जोशी, मिक्यो दोर्जी सन्दुन वीराक्कोडी, ओशदा फर्नान्डो