काठमाडौं (हाम्रो खेलकुद) – कप्तान पारस खड्कासहित राष्ट्यि टोलीका ८ खेलाडी समिमलित नेपाली राइनोजले अमेरिकाको टेक्ससमा जारी टु एक्स क्रिकेट युएसए कप प्रतियोगितामा लगातार दास्रो जित हासिल गरेको छ । राइनोजले शुक्रबार युएई फाल्कोन्सलाई ५ विकेटले हराएको हो।

लगातार दुई जितसँगै राइनोज सेमिफाइनल पुग्ने सम्भावना बलियो बनेको छ । पहिलो ब्याटिड् गरेको फाल्कोन्सले सबै विकेट गुमाएर १ सय ३७ रन बनाएको थियो । राइजोनले १९ ओभरमा ५ विकेट गुमाएर १ सय ३९ रन जोडेको थियो । फाल्कोन्सले पहिलो १० ओभरमा २ विकेट गुमाएर ९० रन बनाएको थियो । त्यसपछि ब्याटिंग गरेको नेपाली राइनोजले १० ओभरमा २ विकेटको क्षेतिमा ८६ रन जोड्यो । २०–२० ओभरको खेल भए पनि टु एक्स क्रिकेटमा टेस्ट क्रिकेट जस्तै १०–१० ओभरको ४ इनिंगमा खेलाइएको छ । पहिलो इनिंगमा फाल्कोन्सले ४ रनको अग्रता लिएको थियो ।

टोलीले दोश्रो इनिंगमा ४७ रन थप्दा बाँकी ८ विकेट गुमायो । त्यसपछि ५२ रनको लक्ष्य पछएको १९ औ ओभरमा थप ३ विकेट गुमाउँदै आवश्यक रन जोड्यो । राइनोजका लागि पारस र शन फिंडलेले समान ३, सोमपाल कामीले २ तथा बसन्त रेग्मी र रस्टि थेरोनले समन १ विकेट लिए । फाल्कोन्सका जेसान मक्सुदले सबैभन्दा बढी ८३ रन बनाए । पहिलो दिन पनि ४९ रन बनाएका सुवासले दोस्रो खेलमा पनि सबैभन्दा बढी ३९ रन जोडे । पारसले ३३ र ओपनर ज्ञानेन्द्र मल्लले २७ रन थपे । फिंडले ११ , शरद भेषावकर २, सोमापालले ७ र पृयु बास्कोटाले ६ रन बटुले ।

पहिलो खेलमा नेपालले मोन्टगोमेरी स्पोट्र्स म्यानेजमेन्ट (एमएसएम) इंग्ल्यान्डलाई ७ विकेटले हराएको थियो । एमएसएमले हिजोको खेलमा समरसेट कभालियर्सलाई हराएको थियो । समूह एमा दुवै खेल जित्ने राइनोज एक्लो टोली हो । राइनोजले समूह चरणको अन्तिम खेलमा आज समरसेटको सामना गर्नेछ । प्रतियोगिताको विजेता टोलीले ६० हजार अमेरिकी डलर प्राप्त गर्नेछ ।