यो खेलका क्रममा तयार पारिएको समाचार थियो । खेलको नतिजा यसप्रकार छ : सन्दीपको ६ विकेटसँगै नेपालको कीर्तिमानी जित

काठमाडौं (हाम्रो खेलकुद) – पपुवा न्युगिनीसँगको दोस्रो ऐतिहासिक ओडिआई खेलमा खराब सुरुवात गरेको नेपाललाई युवा ब्याट्सम्यान रोहित कुमार पौडेल र कप्तान ज्ञानेन्द्र मल्लले सम्हाल्दै छन् । अल अमरेत क्रिकेट मैदान ओमानमा टस जितेर पहिला ब्याटिङ रोजेको नेपालले सुरुवाती १३ ओभरमा २ विकेट गुमाउँदै ५२ रन बनाएको छ ।

कप्तान ज्ञानेन्द्र मल्ल ३७ बलमा ३ चौका सहित २१ रनमा अविजित छन् । रोहित कुमार पौडेल २६ बलमा १ छक्का सहित १३ रनमा खेलिरहेका छन् । तेस्रो विकेटका लागि रोहित र ज्ञानेन्द्रले ४३ रनको अविजित साझेदारी गर्दै नेपालको उकासेका छन् ।

खराब सुरुवात गर्नेक्रममा नेपालका दुवै ओपनर दोहोरो अंक बनाउन नपाउँदै आउट भएका थिए । तेस्रो ओभरको पहिलो बलमै ओपनर आसिफ शेख तीन रनमा क्याच आउट हुन पुगेका । तीव्र गतिका बलरमा कौना भागीको बलमा आसिफ सेसे बाउबाट क्याच आउट भएका थिए । कौनाले डेब्यू विकेट लिए ।

तीव्र गतिका बलर नर्मन भानुआको चौथो ओभरको पाँचौं बलमा कुशल भुर्तेल एज लागेर विकेटकिपर किप्लिङ डोरीयाबाट तीन रनमा क्याच आउट भएपछि नेपालले खराब सुरुवात गरेको थियो । कुशल आउट हुँदा नेपाल ९–२ को कमजोर अवस्थामा पुगेको थियो । त्यसपछि रोहित र ज्ञानेन्द्रले नेपाललाई सम्हाल्ने प्रयास गरेका छन् ।

नेपालले पहिलो पटक डे नाइट ओडिआई खेल खेलिरहेको छ । पहिलो खेलमा पपुवा न्युगिनीलाई नेपालले २ विकेटले पराजित गरेको थियो । आइसिसी विश्वकप लिग–२ अन्तर्गत ओमान र अमेरिकासँग त्रिकोणात्मक ओडिआई सिरिजको तयारीको लागि नेपालले पपुवा न्युगिनीसँग दुई खेल खेलेको हो ।

पछिल्लो अपडेट : ज्ञानेन्द्र र रोहितको नयाँ कीर्तिमान