नेपालको खराब सुरुवात

यो खेलका क्रममा तयार पारिएको समाचार थियो । खेलको नतिजा यसप्रकार छ : सन्दीपको ६ विकेटसँगै नेपालको कीर्तिमानी जित

काठमाडौं (हाम्रो खेलकुद) – नेपालले पपुवा न्युगिनीसँगको दोस्रो ओािडआई खेलमा निकै सुरुवात गरेको छ । अल अमरेत क्रिकेट मैदान ओमानमा टस जितेर पहिला ब्याटिङ रोजेको नेपालले सुरुवाती ५ ओभरमा २ विकेट गुमाउँदै १३ रन बनाएको छ ।

नेपालका कप्तान ज्ञानेन्द्र मल्ल ५ रनमा क्रिजमा छन् । ज्ञानेन्द्रलाई रोहित कुमार पौडेलले साथ दिने छन् । नेपालले खराब सुरुवात गर्नेक्रममा दोहोरो अंकमा रन बनाउन नपाउँदै दुवै ओपनर गुमाएको छ । तेस्रो ओभरको पहिलो बलमै ओपनर असिफ शेख तीन रनमा क्याच आउट हुन पुगे । तीव्र गतिका बलरमा कौना भागीको बलमा आसिफ सेसे बाउबाट क्याच आउट हुन पुगेका थिए । कौनाले डेब्यू विकेट लिएका थिए ।

अर्का तीव्र गतिका बलर नर्मन भानुआको चौथो ओभरको पाँचौं बलमा कुशल भुर्तेल एज लागेर विकेटकिपर किप्लिङ डोरीयाबाट तीन रनमा क्याच आउट हुन पुगेका छन् । कुशल आउट हुँदा नेपाल ९–२ को कमजोर अवस्थामा पुगेको थियो ।

पहिलो खेलमा नेपालले संघर्षपूर्ण २ विकेटको जित हासिल गरेको थियो ।

पछिल्लो अपडेट : नेपाललाई सम्हाल्दै ज्ञानेन्द्र र रोहित