काठमाडौं (हाम्रो खेलकुद) – नेपालले पपुवा न्युगिनीसँगको पहिलो ओडिआई खेलमा विजयी लक्ष्य पछ्याउनेक्रममा ७ विकेट गुमाएको छ । जितको लागि १ सय ३५ रनको विजयी लक्ष्य पछ्याएको नेपालले २९ ओभरमा ७ विकेट गुमाउँदै ८३ रन बनाएको छ ।

ओपनर आसिफ शेख र कुशल भुर्तेलले नेपाललाई पहिलो विकेटका लागि ११.१ ओभरमा ४६ रनको साझेदारी गर्दै राम्रो सुरुवात दिलाएका थिए । पिएनजीका चन्द सोपरले कुशल भुर्तेललाई १५ रनमा एलवीडब्लू आउट गर्दै पहिलो सफलता दिलाए । कुशलले २८ बलमा २ चौका प्रहार गरे ।

अर्का ओपनर आसिफ शेख ४६ बलमा ४ चौका सहित ३० रनमा क्याच आउट भए । आसिफलाई डेमियन राभूले गौडी टोकाबाट क्याच गराएका थिए । कप्तान ज्ञानेन्द्र मल्ल पनि धेरै समय क्रिजमा टिक्न सकेनन् । राभूको १७ औं ओभरको अन्तिम बलमा एज लागेर विकेटकिपर किप्लिङ डोरिगाबाट ६ रनमा क्याच आउट भए । २० बल खेलेका ज्ञानेन्द्रले बाउन्ड्री प्रहार गर्न सकेनन् । आरिफ शेख सोपरको बलमा ९ रनमा एलबीडब्लू आउट हुँदा नेपाल ६२–४ को अवस्थामा पुगेको थियो ।

पाँचौ विकेटका रुपमा शरद भेषावकर ६ रनमा क्याच आउट भएका छन् । शरद नोसैना पोकना बलमा क्याच आउट हुन पुगेका थिए । क्रिजमा रोहित कुमार पौडेल १० रनमा छन् । कुशल मल्ल एक रनमा स्टम्पिङ आउट भए । लगत्तै अर्को बलमा पवन सरार्फ शून्यमा क्याच आउट भएपछि नेपाल २८ ओभरमा ८२-७ को संकट अवस्थामा छ । लगातार दुई विकेट गुमाएपछि नेपाल अव समस्यामा परेको छ । क्रिजमा सोमपाल आएका छन् ।