काठमाडौं (हाम्रो खेलकुद) – पारस खड्काको नेतृत्व रहेको नेपाली राइनोज क्रिकेट क्लब अमेरिकाको टेक्ससमा शनिबार भएको च्यारिटी क्रिकेटमा पञ्जाव लायन्ससँग १७ रनले पराजित भएको थियो । १ सय ७९ रनको लक्ष्य पछ्याएको नेपाली राइनोजले ८ विकेटको क्षेतिमा १ सय ६१ रन मात्र बनाउन सक्यो ।

नेपाली राष्ट्रिय क्रिकेट टोलीका कप्तान पारस र विकेट किपर सुवास खकुरेलले अर्धशतक बनाएपनि राइनोजको हार टरेन । पारसले ६७ र सुवासले ५५ रन बनाए ।  पहिले ब्याटिङ गरेको पञ्जाव लाइन्सले ५ विकेट गुमाएर १ सय ७८ रन बनाएको थियो । पञ्जावको नेतृत्व अमेरिकी क्रिकेट टोलीका पूर्व कप्तान ओर्लान्डो बेकरले गरेका थिए । नेपाली सोसाइटी फर टेक्ससले च्यारिटी क्रिकेट आयोजना गरिएको हो ।
टु एक्स क्रिकेट युएस कप खेल्न पारस, उपकप्तान ज्ञानेन्द्र मल्लसहितका ८ खेलाडी अहिले अमेरिकामा छन् । जसमा बसन्त रग्मी, शरद भेषावकर, पृथु बास्कोटा,सोमपाल कामी, सिद्धान्त लोहनीले छन् । उनीहरुले टु एक्स क्रिकेट नेपाली राइनोजबाट खेल्नेछन् । राइनोजमा बाँकी खेलाडी अमेरिका बस्दै आएका नेपाली खेलाडी रहनेछ् । टुक्स क्रिकेट नोभेम्बर ९ देखि १३ सम्म आयोजना हुनेछ ।
प्रतियोगितामा सहभागी ८ टोलीलाई दुई समूहमा विभाजन गरिएको छ । राउन्ड रोविन लिगपछि समूहका शीर्ष दुई टोली सेमिफाइनलमा पुग्नेछन् । समूह एमा राइनोजसहि एमएसमएम इङ्ल्यान्ड, युएइ फाल्कोन्स र एनजी समरसेट छन् । त्यस्तै पाकिस्तान फस्ट क्रिकेट क्लब, स्मार्ट च्वाइस, अन्डरडग्स र हस्टन स्पार्क समूह बीमा छन् ।