सारजाह (एजेन्सी) – पाकिस्तानविरुद्धको तेस्रो तथा अन्तिम टेस्टमा वेस्ट इन्डिज जिततर्फ अग्रसर भएको छ । कप्तान जेसन होल्डरले पहिलो पटक टेस्ट क्रिकेटमा ५ विकेट लिनुका साथै ओपनर क्राएग बर्थह्वाइट अविजित ब्याटिङ गर्दै जितको आधार तयार पारेका छन् ।

पछिल्ला १३ टेस्टमा जित विहिन रहेको वेस्ट इन्डिजका लागि कप्तान होल्डरले बुधबार खेल जीवनकै उत्कृष्ट प्रदर्शन गर्ने क्रममा ३० रन खर्चेर ५ विकेट लिएपछि पाकिस्तान दोस्रो इनिङमा २ सय ८ रन बनाउँदै अलआउट भएको थियो । त्यसपछि वेस्ट इन्डिजले जितका लागि १ सय ५३ रनको लक्ष्य पाएको थियो ।
खराव प्रकाशका कारण ९ ओभर अघि नै चौथो दिनको खेल सकिँदा वेस्ट इन्डिजले ५ विकेटको क्षतिमा १ सय १४ रन बनाएको छ । ५ विकेट हातमा रहँदा अन्तिम दिन जितका लागि वेस्ट इन्डिजलाई थप ३९ रन आवश्यक छ । चौथो दिनको खेल समाप्त हुँदा बर्थह्वाइट ४४ रनमा अविजित छन् ।
पहिलो इनिङमा १ सय ४२ रन बनाएका बर्थह्वाइटले बुधबार छैटौं विकेटका लागि शान डोउरिचसँग ४७ रनको साझेदारी गरेका थिए । ६७÷५ बाट बर्थह्वाइट र डोउरिचले टोलीलाई बलियो अवस्थामा पु¥याएका थिए । डोउरिच ३६ रनमा अविजित छन् ।
त्यसअघि पाकिस्तानले ४ विकेटको क्षतिमा ८७ रनबाट चौथो दिनको खेल सुरु गरेको थियो । टेस्ट श्रृखंलाका अघिल्ला दुई खेल पाकिस्तानले जितेको थियो ।