राची, भारत (एजेन्सी) – न्युजिल्यान्डले चौथो एकदिवसिय अन्तर्राष्ट्रिय क्रिकेटमा बुधबार भारतलाई १९ रनले हराएको छ । जेसिएम अन्तर्राष्ट्रिय क्रिकेट मैदानमा २ सय ६१ रनको लक्ष्य पछ्याएको भारतले ४८.४ ओभरमा सबै विकेट गुमाएर २ सय ४१ मात्र बनाउन सक्यो । यो नतिजासँगै ५ एक दिवसिय श्रृखंलामा २–२ को बराबरी भएको छ ।

१ विकेटको क्षेतिमा ९८ रन जोडेको भारत विराट कोहलीको पतनसँग कमजोर बन्दै गएको थियो । ओपनर अजिन्के रहाने, कोहली र अक्षर पटेल बाहेक कुनै पनि खेलाडीले जिम्मेवारी ब्याटिङ नगरेपछि भारतले हार बेर्होनु पर्यो । रहानले ७० बलमा ५ चौका र १ छक्काका साथ ५७ रन जोडे । कोहलीले ५१ बल खेल्दै २ चौका र १ छक्का साथ ४५ रन बनाए । पटलले ४० बलमा ३ चौका र १ छक्कासहित ३८ रन बटुले । धवल कुलकर्णीीले अविजित १७, अमित मिश्राले १४, मनीष पाण्डेले १२ अर्का ओपनर रोहित शर्मा र कप्तान महेन्द्र सिंह धोनीले समान ११ रन थपे । न्युजिल्यान्डका टिम साउथीले ३, जेम्स निसमले र ट्रेन्ट बोल्टले समान २ तथा ,मिचेल सान्टनर, इश सोदीले समान १ विकेट लिएका थिए ।

त्यसअघि टस जितेर ब्याटिङ गरेको न्युजिल्यान्डले ओपन मार्टिन गुप्टिलको अर्धशतकको मद्दतमा निर्धारित ५० ओभरमा ७ विकेट गुमाएर २ सय ६० रन बनाएको थियो । गुप्टिल र अर्का ओपनर टोम लाथमले पहिलो विकेटका लागि ९६ रनको साझेदारी गरेको थियो । ८४ बल खेलेका गप्टिलले १२ चौका साथ सबैभन्दा बढी ७२ रन बनाएका थिए । अर्का ओपनर लाथमले ३९ रन बनाए । कप्तान काने विलियम्सनले ५९ बलमा ४ चौकासहित ४१ बल, रोस टेलरले ३५ रन जोडे । सान्ट्नरले अविजित १७, बिजे वाटलिङले १४ र एन्टोन डेभचिचले ११ रन बटुले । भारतका लागि मिश्राले २, उमेश यादव, धवल कुलकर्णी,हार्दिक पाण्डे, पटेलले समान १ विकेट लिएका थिए । श्रृखंलाको पाँचौं, अन्तिम तथा निर्णायक खेल विशाखापट्नममा शनिबार हुनेछ ।