एजेन्सी – इन्डियन प्रिमियर लिग (आइपिएल) २०२१ कोरोना महामारीको कारण मध्य सिजनमै अनिश्चित समयको लागि स्थगित भएसँगै इंग्ल्यान्डका ११ मध्य ८ खेलाडी स्वदेश फर्किएका छन् । बुधबार बिहान ८ खेलाडी लन्डन पुगेका छन् ।

इंग्ल्यान्ड तथा कोलकाता नाइट राइडर्सका कप्तान ओईन मोर्गन, पन्जाब किंग्सका शीर्षक्रमका ब्याट्सम्यान डेविड मलान र तीव्र गतिका बलर क्रिस जोर्डनले भने आगमी ४८ घण्टामा भारत छाड्ने छन् । इंग्ल्यान्ड पुगेका ८ खेलाडी सरकारले अनुमती दिएको होटलमा १० दिन अनिवार्य क्वारेनटाइन बस्नुपर्ने हुन्छ । दुई पटक कोरोना परिक्षण हुने छ । राजस्थान रोयल्सका लिभिङ स्टोनले भने यसअघिनै भारत छोडि सकेका थिए ।

इंग्ल्यान्ड फर्किएका ८ खेलाडी

चेन्नई सुपर किंग्स : मोईन अली र साम करन

दिल्ली क्यापिटल्स : टम करन, क्रिस वोक्स र साम विलिंग्स

सनराइजर्स हैदराबाद : जेसन रोय र जोनी बेयरस्टो

राजस्थान रोयल्स : जस बटलर

अन्य विदेशी खेलाडीलाई पनि च्यार्टर विमानमातर्फ फर्काउन खोजिएको छ । तर अष्ट्रेलिया खेलाडीको अन्यौलमै रहेका छन् । श्रीलंका वा माल्दिभ्स फर्काउने तयारी गरि रहेको बुझिएको छ । अष्ट्रेलिया पूर्व खेलाडी तथा चेन्नई सुपर किंग्सका मुख्य प्रशिक्षक माइकल हसीलाई भने कोरोना संक्रमण पुष्टि भएको छ । अष्ट्रेलिया सरकारले आफ्ना नागरिकलाई मे १५ सम्म भारतबाट आउन प्रतिबन्ध लगाएको छ । अष्ट्रेलिया खेलाडीलाई माल्दिभ्स र श्रीलंका लैजाने तयारी गरिएको बुझिएको छ ।