एजेन्सी – इन्डियन प्रिमियर लिग (आइपिएल) २०२१ मा बुधबार (भोली) हुने चेन्नई सुपर किंग्स र राजस्थान रोयल्सबीचको खेल कोरोना कारण स्थगित भएको छ । चेन्नई र राजस्थानबीचको खेल दिल्लीमा हुने कार्यक्रम थियो । तर एकदिन अघिनै स्थगित भएको छ ।

चेन्नई सुपर किंग्सको टोली एक हप्ता क्वारेनटाइन बस्ने भएपछि खेल सरेको हो । सोमबार चेन्नईका तीन स्टाफमा कोरोना पोजेटिभ पाइएको थियो । बलिङ प्रशिक्षक एल बालाजीमा पनि संक्रमण देखिएपछि ६ दिनको क्वारेनटाइमा बस्नु पर्ने भएको छ । जारी आइपिएलमा कोरोना कारण स्थगित भएको यो दोस्रो खेल हो ।

यसअघि सोमबार रोयल च्यालेन्जर्स बेंगलोर र कोलकाता नाइट राइडर्सबीचको खेल पनि सरेको थियो । कोलकाता दुई खेलाडीमा संक्रमण देखिएपछि सरेको थियो । यी दुई खेल सम्भव त लिगको अन्तिम समयमा हुने छन् । भारतमा कोरोना महामारीले विकराल रुप लिदा आइपिएल भने जारी छ ।

आज (मंगलबार) भने मुम्बई इन्डियन्स र सनराइजर्स हैरदाबादबीच प्रतिस्पर्धा हुने छ । पछिल्लो समयको महाविकराल रुपसँगै आइपिएल पनि संकटमा पर्न थालेको छ ।

अंक तालिका

दिल्ली क्यापिटल्स ८ खेलमा ६ मा जित र २ मा हार सहित १२ अंकका साथ शीर्ष स्थानमा छ । चेन्नई सुपर किंग्स ७ खेलमा ५ जित र २ मा हार सहित १० अंक सहित स्थानमा झरेको छ । रोयल च्यालेन्जर्स बेंगलोर ७ खेलमा ५ मा जित र २ मा हार सहित १० अंक भएपनि नेट रनरेटको आधारमा तेस्रो स्थानमा छ ।

मुम्बई इन्डियन्स ७ खेलमा ३ मा हार र ४ मा जित सहित ८ अंक बटुल्दै चौथो स्थानमा छ । राजस्थान रोयल्स ७ खेलमा ४ मा हार र ३ मा जित सहित ६ अंकका साथ पाँचौं स्थानमा छ । पन्जाब ८ खेलमा ५ मा हार र ३ मा जित सहित ६ अंक जोड्दै छैटौं स्थानमा छ ।

कोलकाता ७ खेलमा ५ मा हार र २ जित सहित ४ अंकका साथ सातौं स्थानमा छ । सनराइजर्स हैदराबाद ७ खेलमा ६ मा हार र १ मा जित सहित २ अंक जोड्दै पुछारमा छ ।