4 years ago
April 21, 2021
भुपेन्द्र जिसी, काठमाडौं
राष्ट्रिय क्रिकेट टोलीका लेग स्पिनर सन्दीप लामिछानेले टियु क्रिकेट मैदानमा जारी त्रिकोणात्मक टि२० आई सिरिजमा ऐतिहासिक सयौं खेल खेल्दैछन् ।
बिहिबार सन्दीप मलेसियाविरुद्ध मैदान उत्रँदा टि२० क्रिकेटमा एक सय खेल खेल्ने पहिलो नेपाली खेलाडी बन्ने छन् । हालसम्म सन्दीपले ९९ टि२० खेल खेलेका छन् । सन्दीपले सन् २०१८ मा इन्डियन प्रिमियर लिग (आइपिएल) बाट टि२० क्रिकेट खेल्न सुरु गरेका थिए ।
दिल्ली क्यापिटल्सबाट रोयल च्यालेन्जर्स बेंगलोरविरुद्ध मे १२ मा डेब्यू गर्दै पहिलो टि२० खेलेका सन्दीपले त्यसयता लगातार क्रिकेट खेल्दै आएका छन् । सन्दीपले टि२० आईमा विश्व ११ बाट वेस्टइन्डिजविरुद्ध २०१८ मे ३१ मा टि२० आईमा डेब्यू गरेका थिए । सन्दीप आफ्नो देशबाट नभएर संयुक्त टोलीबाट टि२०आई डेब्यू गर्ने पहिलो खेलाडी समेत हुन् । सन्दीपले नेपालबाट हालसम्म २४ र टेष्ट देशको फ्रेन्चाइज लिगमा कुल ७५ खेल खेलेका छन् ।
सन्दीपपछि नेपालबाट सर्वाधिक पूर्व कप्तान पारस खड्काले ५६ टि२० खेल खेलेका छन् । नेपालको लागि २० खेल जुन सर्वाधिक हो । त्यस्तै ज्ञानेन्द्र मल्ल ५३, विनोद भण्डारी ४६, वसन्त रेग्मी र शरद भेषावकरले ४०–४० खेल खेलेका छन् । सन्दीप नेपालबाट टि२० मा सर्वाधिक विकेट लिने बलरको सुचिमा दोस्रो स्थानमा छन् । उनले नेपालका लागि टि२० मा ४२ विकेट लिएका छन् ।
टि२० मा वसन्त रेग्मी सर्वाधिक विकेट लिने बलर हुन् । वसन्तले ५३ विकेट लिएका छन् । वसन्त र सन्दीप पछि करण केसीले ४१ र शक्ति गौचनले ३२ विकेट लिएका छन् । सन् २०१६ मा हङकङ टि ट्वान्टी ब्लिट्जबाट अन्तर्राष्ट्रिय फ्रेन्चाइज लिगमा यात्रा बढाएका सन्दीपले इन्डियन प्रिमियर लिग हुँदै बिग ब्यास लिग लगायतका टि२० फ्रेन्चाइज लिग खेलि सकेका छन् ।
सन्दीप वर्तमान समयका एसोसियट देशका एक उत्कृष्ट स्पिनरमा पर्दछन् । उनले छोटो समयमै विश्व क्रिकेटमा आफ्नो प्रभाव जमाएका छन् । २० वर्षिय सन्दीप लामिछाने नेपाली क्रिकेटका वर्तमान समयका प्रमुख स्पिनर हुन् । टि२० आई खेल स्वतः २० मा मानिन्छ । टेष्ट देशका क्रिकेट बोर्डले आयोजना गर्ने फ्रेन्चाइज लिगको खेललाई टि२० मान्यता दिने गरिन्छ ।
यी हुन् सन्दीपले खेलेका हालसम्मका टि२० खेल र लिएका विकेट
इन्डियन प्रिमियर लिग २०१८ : ३ खेल – ५ विकेट
क्यारेबिन प्रिमियर लिग २०१८ : ५ खेल – ७ विकेट
अफगानिस्तान प्रिमियर लिग २०१८ : १ खेल – २ विकेट
बिग ब्यास लिग २०१८/१९ : ८ खेल – ११ विकेट
बंगलादेश प्रिमियर लिग २०१८-१९ : ६ खेल – ४ विकेट
पाकिस्तान सुपर लिग २०१९ : ७ खेल – ११ विकेट
आईपीएल २०१९ : ६ खेल – ८ विकेट
क्वारेबिन प्रिमियर लिग २०१९ : ६ खेल – ८ विकेट
बिग ब्यास लिग २०१९/२० : १३ – १५ विकेट
बिग ब्यास २०२०र२१ : ८ खेल – ८ विकेट
सिपिएल २०२० : ११ खेल – १२ विकेट
नेपाली राष्ट्रिय टोलीबाट टि ट्वान्टी आई : २४ खेल – ४२ विकेट (विश्व ११ बाट खेलेको एक खेल सहित)
February 6, 2025
काठमाडौं(हाम्रो खेलकुद) – महिला त्रिकोणात्मक टि ट्वान्टी आई सिरिजमा १ खेल अगावै उपाधी जित्ने लक्ष्यमा थाइल्याण्ड नेदरल्याण्ड्ससँग खेल्दैछ । दुईबीचको खेल कीर्तिपुरस्थित टियु क्रिकेट मैदानमा दिउँसो १२ः१५ बजे सुरु हुनेछ । सिरिजमा थाइल्याण्ड पाँचौ जित निकाल्दै सिरिज जित्ने लक्ष्यमा छ । थाइल्याण्डले नेपाल र नेदरल्याण्ड्ससँग खेलेका दुवै खेलमा जित हासिल गरेको थियो । नेदरल्याण्ड्सलाई भने […]
February 5, 2025
काठमाडौं(हाम्रो खेलकुद) – धनगढीमा भईरहेको अर्जुन ट्रफी राष्ट्रिय क्रिकेट प्रतियोगितामा क्रिकेट प्रतियोगितामा बोष्टन क्रिकेट झापाले घोडाघोडी-११ माथि राेमाञ्चक जित हात पारेको छ । बुधवार भएको दिनको दोस्रो खेलमा बोष्टनले घोडाघोडी- ११ माथि १ रनको रोमाञ्चक जित हासिल गर्यो । यो हारसँगै घोडाघोडी-११ समूह चरणबाटै बाहिरिएको छ । बोष्टनले दिएको १ सय ६२ रनको लक्ष्य पछ्याएको […]
February 5, 2025
काठमाडौं(हाम्रो खेलकुद) – पूजा महतोको अर्धशतकको बाबजुद नेपालले त्रिकोणात्मक टि ट्वान्टी आई सिरिजमा बुधवार नेदरल्याण्ड्ससँग पराजित भएको छ । नेपालले १० विकेटले पराजित भएको छ । सिरिजमा नेपालको यो लगातार पाचौं हार हो ।१ सय ४६ रनको लक्ष्य नेदरल्याण्ड्सले १९.४ ओभरमा कुनै विकेट नगुमाइ पूरा गर्यो । नेदरल्याण्ड्सको जितमा स्ट्रि कालिसले नट आउट रहँदै सर्वाधिक […]
