काठमाडौं (हाम्रो खेलकुल) – ग्रेट हिमालय क्रिकेट एकेडेमी ए (जिएचसिए) र काठमाडांै क्रिकेट ट्रेनिङ सेन्टर (केसिटिसी) चौथो संस्करणको नेक्सस यू१६ टि२० कपको फाइनलमा पुगेका छन् ।

जिचसिएले पहिलो सेमिफाइनलमा बालुवाटार क्रिकेट एकेडेमीलाई ६ विकेट पराजित गर्दै फाइनलमा स्थान बनाएको थियो । केसिटिसीले रक ११ क्रिकेट एकेडेमी स्याङजा लाई ९ विकेट पराजित गर्दै फाइनलमा स्थान पक्का गर्यो । पहिलो खेलमा टस जितेर ब्यटिङ रोजेको बालुवाटारले २० ओेभरमा ८ बिकेटको गुमाउँदै ९० रन बनाएको थियो । उसका लागि ब्याट्सम्यान राघभ कुनवारले २० बलमा १ छक्का र १ चौका सहित सर्वाधिक २१ रन बनाए । नविन तामाङले २० रन बनाउँदा अन्य ब्याट्सम्यानले दोहोरो अंकमा रन जोड्न सकेनन् ।

जिएचसिएका अभिनय राजवंशीले ४ ओभरमा २० रन खर्चेर ४ लिए । पुजन थापाले २ विकेट र सुरज रावलले १ विकेट लिए । जितको लागि ९१ रनको विजयी लक्ष्य पछ्याएको जिएचसिएले १८ ओभरमा ४ विकेट गुमाउँदै फाइनलमा स्थान पक्का गर्यो । निश्चल अमात्यले २९, आदित सुवेदी ले १९ र निश्चय थापाले १५ रन बनाए । नविन तामाङ, निकेश गुप्ता र राजन जि सी ले समान १÷१ विकेट लिए । खेलको म्यान अफ द म्याच ग्रेट हिमालय क्रिकेट एकेडेमी ए का अभिनय राजवंशी घोषित भएका थिए ।

दोस्रो सेमिफाइनलमा टस जितेर ब्यटिङ रोजेको रक एघार स्याङजा १४ ओभर ६३ रनमा अल आउट भएको थियो । प्रदिप पाण्डेले १२ बलमा ३ चौका सहित १६ र आयुश बस्यालले १२ रन बनाए । सुगम श्रेष्ठ ले ४ विकेट लिए । बिशिष्ट पन्थि, सुजीत शा, दिपक डुम्ब्रे र रोनिम तिवारी १(१ विकेट लिए ।

६४ रनको विजयी लक्ष्य पछ्याएको केसिटिसीले ९.३ ओभर १ विकेट गुमाएर पूरा गर्यो । दिपक डुम्ब्रे ले ३३ बलमा ३ छक्का र ४ चौका सहित ४३ रन बनाए । समिर वलीले १२ रन जोडे । किरण भट्टराइ ले १ मात्र विकेट लिएका थिए । फाइनल मंगलबार हुने छ ।