एजेन्सी – इन्डियन प्रिमियर लिग (आइपिएल) २०२१ को दोस्रो खेलमा दिल्ली क्यापिटल्सले चेन्नई सुपर किंग्सविरुद्ध पहिला बलिङ गर्ने भएको छ । वानखडे स्टेडियम मुम्बईमा दिल्लीका कप्तान ऋषभ पन्तले टस जितेर पहिला बलिङ गर्ने निर्णय लिएका हुन् ।

दिल्लीका प्रमुख तीव्र गतिका बलर कागिसो रबाडा र एनरिच नोर्किया आजको खेलमा टोलीमा छैनन् । दिल्लीले चार विदेशी खेलाडीमा टम करन, क्रिस वोक्स, शिम्रन हेटमायर र मार्कस स्टोइनिसलाई खेलाएको छ । चेन्नईले चार विदेशी खेलाडीमा मोईन अली, साम करन, फाफ डु प्लेसिस र ड्वेन ब्राभोलाई मैदान उतारेको छ ।

पछिल्लो पाँच खेलमा तीन खेलमा चेन्नई विजयी भएको छ । आइपिएलमा यी दुई टोलीबीच कुल २३ खेल भएका छन् । जसमा चेन्नई १५ खेलमा विजयी हुँदा ८ खेलमा पराजित भएको छ । चेन्नईले दिल्लीविरुद्ध बनाएको सर्वाधिक रन २ सय २२ रन छ । दिल्लीले चेन्नईविरुद्ध बनाएको सर्वाधिक रन १ सय ९८ रन छ । गतवर्ष चेन्नई दिल्लीसँग ५ विकेट र ४४ रनले पराजित भएको थियो ।

चेन्नईको प्लेइङ ११ : रितुराज गायकवाड, अम्बाती रायडु, फाफ डु प्लेसिस, सुरेश रैना, महेन्द्रसिंह धोनी (कप्तान), मोईन अली, रविन्द्र जडेजा, साम करन, ड्वेन ब्राभो, शार्दूल ठाकुर र दीपक चहर ।

दिल्ली क्यापिटल्स प्लेइङ ११ : शिखर धवन, पृथ्वी शा, अजिक्या रहाणे, ऋषभ पन्त (कप्तान), मार्कस स्टोइनिस, शिम्रन हेटमायर, क्रिस वोक्स, रविचन्द्रन आश्विन, टम करन, अमित मिश्रा र आवेश खान ।