डोटी,कार्तिक २ गते ।

उधोग वाणिज्य संघ डोटीको आयोजनामा राजपुर दिपालयमा एकता कप क्रिकेट प्रतियोगिता सुरु भएको छ। प्रतियोगिताको सुदुरपश्चिमाञ्चल एकेडेमी एसपीएका निर्देशक तथा धनगढी क्रिकेट एकेडेमीका अध्यक्ष सुवाश शाहीले उद्घाटन गर्नु भयो।

उद्घाटन समारोहलाई सम्बोधन गर्दै अध्यक्ष शाहीले उधोग वाणिज्य क्षेत्रमा सक्रिय उधोगी व्यापारीहरुको अग्रसरतामा प्रतियोगिता आयोजना हुनु सह्रानिय रहको बताउँनु भयो । प्रतियोगिताले दिपालय तथा समग्र सुदुरपश्चिमको आर्थिक गतिविधीमा पनि चहलपहल ल्याउने उदाहरण प्रस्तुत गर्दै शाहीले यस उदाहरणिय प्रतियोगिताको सिको सवै क्षेत्रले गर्नुपर्ने औल्याउँनु भयो ।

प्रतियोगितामा विभिन्न १६ टीमको सहभागिता रहेको आयोजकले जनाएको छ । क्लबस्तरिय प्रतियोगितामा विभिन्न टीमहरुबाट राष्ट्यिस्तरका खेलाडीहरुको पनि सहभागिता पनि रहेको छ । प्रतियोगिता सञ्चालनका लागी डोटी उधोग वाणिज्य संघको पहलमा खप्तड खेल मैदानको पनि निर्माण गरिएको छ । उक्त खेल मैदानमा नियमित क्रिकेट प्रतियोगिताहरु सञ्चालन गरिने आयोजकको भनाई रहेको छ ।

खेल मैदान निर्माणले यस क्षेत्रको क्रिकेट विकासमा महत्वपुर्ण योगदान पुर्याउने विश्वास धनगढी क्रिकेट एकेडेमीका अध्यक्ष सुवाश शाहीले व्यक्त गर्नुभयो । क्रिकेटलाई खेलमा मात्र सिमित राख्नु हुदैन, शाहीले थप्नुभयो, एउटा प्रतियोगिता आयोजना गर्दा त्यस क्षेत्रको व्यापार व्यवसायमा समेत बढोत्तरी हुन्छ । यसले आन्तरिक पर्यटकको विकासमा समेत टेवा पुग्ने शाहीले विश्वास व्यक्त गर्नुभयो ।