काठमाडौं (हाम्रो खेलकुद) – नेपाल क्रिकेट संघ (क्यान) ले ललितपुर मेयर महिला च्याम्पियनसिप–२०७७ को लागि ललितपुर मेय- ११ को टोली घोषणा गरेको छ ।

नेपाली राष्ट्रिय महिला टोलीकी सदस्य समेत रहेकी सरस्वती चौधरीको कप्तानीमा १४ सदस्य टोली घोषणा गरेको हो । गत पुषमा दाङको लमहीमा सम्पन्न प्रधानमन्त्री कप महिला क्रिकेट प्रतियोगितामा प्रदर्शन गरेको आधारमा क्यानले ललितपुरको टोली घोषणा गरेको छ । सेमिफाइनलमा पुग्न नसकेका टोलीबाट क्यानले टोली बनाएको हो । ललितपुरको टोलीमा सबैभन्दा बढी बागमती प्रदेशबाट ६ खेलाडी परेका छन् ।

प्रदेश २ बाट ५ खेलाडी अटेका छन् । कर्णाली प्रदेशबाट १ र गण्डकीबाट २ खेलाडी अटेका छन् । ललितपुर मेयर महिला च्याम्पियनसिप चैत २१ देखि २८ सम्म टियु मैदानमा हुँदै छ । ललितपुर मेयर ११ सँगै सेमिफाइनलमा पुगेका प्रदेश एक, नेपाल एपिएफ क्लब, सुदूरपश्चिम र लुम्बिनी प्रदेश छन् ।

ललितपुरले पहिलो खेल सुदूरपश्चिमसँग चैत २१ मा खेल्ने छ । दोस्रो खेल लुम्बिनीसँग चैत २२ मा खेल्ने छ । तेस्रो खेल ललितपुरले एपिएफसँग खेल्ने छ । चौथो खेल चैत २६ मा प्रदेश १ सँग खेल्ने छ । लिगपछि शीर्ष दुई टोली सेमिफाइनलमा पुग्ने छन् ।

ललितपुर ११ महिला टोली :

प्रदेश २ : सरस्वती चौधरी (कप्तान), कविता गौतम, विमला मगर, अनुराधा चौधरी र ओभा आले

बागमती प्रदेश : सुमन खतिवडा, आरति विडारी, केनुका बस्नेत, बिन्दा कटुवाल, कञ्चन श्रेष्ठ र अश्मिना कर्माचार्य

गण्डकी प्रदेश : एलिसा लामिछाने र सृष्टि पौडेल

कर्णाली प्रदेश : निशा पराजुली