default_image

4 years ago

March 11, 2021

विनोदको उत्कृष्ट शतकका बाबजुद आर्मी पराजित

103 views

0 Bookmark

काठमाडौं (हाम्रो खेलकुद) – कप्तान विनोद भण्डारीको उत्कृष्ट शतकको बाबजुद त्रिभुवन आर्मी क्लब काठमाडौं मेयर कप–२०७७ एकदिवसिय क्रिकेट लिगमा बागमती प्रदेशसँग १० रनले पराजित भएको छ ।

जितका लागि २ सय ६७ रनको विजयी लक्ष्य पछ्याएको आर्मी ४७.१ ओभरमा २ सय ५६ रनमा अल आउट भयो । आर्मीका कप्तान विनोदले १ सय १४ बलमा ८ चौका र ७ छक्का सहित १ सय १९ रनको उत्कृष्ट शतकीय इनिङ खेलेपनि टोलीको हार भने टार्न सकेनन् । विनोद बाहेक अन्य ब्याट्सम्यानले राम्रो प्रर्दशन गर्न नसक्दा आर्मी पराजित हुन पुगेको हो ।


विनोदले ४२ औं ओभरको चौथो बलमा स्पिनर अरियो पौडेललाई लङअङतर्फ बल प्रहार गर्दै सिंगलका साथ शतक पूरा गरेका थिए । विनोदले ९६ बलमा ८ चौका र ५ छक्का सहित शतक प्रहार गरेका थिए । विनोद अरियोको ४६ औं ओभरको अन्तिम बलमा स्टम्पिङ आउट हुँदा आर्मीलाई जितको लागि १३ रन आवश्यक हुँदा एक विकेट आवश्यक थियो । अरियोले जितेन्द्र मुखियालाई एक रनमा एलबिडब्लू आउट गर्दै बागमतीको जित पक्का गरे ।


विनोदले अघिल्लो महिना सम्पन्न प्रधानमन्त्री कप राष्ट्रिय एकदिवसिय क्रिकेट प्रतियोगितामा गण्डकी प्रदेशविरुद्ध १ सय ११ रनको अविजित शतकीय इनिङ खेलेका थिए । घरेलु एक दिवसिय क्रिकेटका विनोदको यो तेस्रो शतक हो ।

युवा ब्याट्सम्यान लोकेश बम ३८ बलमा ७ चौका र १ छक्का सहित ४६ रनमा आउट भए । हरि चौहान ९, रोहित कुमार पौडेल १५, कुशल मल्ल शून्य, राजेश पुन मगर ९ रनमा आउट भए । करण केसी ४२ बलमा २ चौका र १ छक्का सहित २४ रनमा आउट भए ।


स्पिनर अरियो पौडेलले ८.१ ओभरमा ४६ रन खर्चेर ५ विकेट लिए । रामनरेश गिरीले २, नन्दन यादव, पारस खड्का र सोनु देवकोटाले १–१ विकेट लिए ।

त्यसअघि टियु क्रिकेट मैदानमा टस जितेर पहिला ब्याटिङ थालेको बागमती ४९.४ ओभरमा २ सय ६६ रनमा अल आउट भएको थियो । बागमतीका पारस खड्काले १ सय ३३ बलमा ११ चौका र २ छक्का सहित १ सय १९ रनको सानदार शतकीय इनिङ खेले ।

पारसले १ सय २२ बलमा शतक पूरा गरेका थिए । पारसले ४० औैं ओभरको चौथो बलमा कुशल मल्लको बलमा एक रन बटुल्दै शतक पूरा गरेका थिए । त्यसअघि पारसले अर्धशतक ८० बलमा पूरा गरेका थिए । पारसले २८ औं ओभरको दोस्रो बलमा एक्स्ट्रा कभरमा तीव्र गतिका बलर जितेन्द्र मुखियालाई चौका प्रहार गर्दै अर्धशतक पूरा गरेका थिए । अर्धशतक अघि पारसले एक जीवनदान पाए । स्पिनर साहब आलमको २१ औं ओभरको अन्तिम बलमा लङअनमा वैकल्पिक फिल्डर राजु रिजालले पारसको ब्यक्तिगत ४० रनमा क्याच ड्रप गर्न पुगेका थिए ।

पारसले ७८ रनमा पनि जीवनदान पाए । ३६ औं ओभरमा कुशल मल्ललाई लगातार तेस्रो चौका प्रहार गर्नेक्रममा लङअनमै साहब आलमले लङअनमै क्याच छोड्न पुगेका थिए । तीव्र गतिका बलर सोमपाल कामीले पहिलो ओभरको पहिलो बलमै विकेटकिपर आकाश थापालाई विकेटकिपर विनोद भण्डारीबाट क्याच गराउँदै पहिलो सफलता दिलाए । सोमपालले पाँचौं ओभरको पहिलो बलमा कप्तान ज्ञानेन्द्र मल्ललाई ६ विनोदबाट क्याच गराउँदै बागमतीलाई ११–२ को कमजोर अवस्थामा पुर्याए ।पारसले तेस्रो विकेटका लागि युवा ब्याट्समयान ईशान पाण्डेसँग ७३ रनको साझेदारी गर्दै इनिङ सम्हाल्लेका थिए । २२ औं ओभरको अन्तिम बलमा जितेन्द्र मुखियाले ईशानलाई २६ रनमा एलबिडब्लू आउट गरे । ईशानले ५४ बलमा ४ चौका प्रहार गरे ।

साहबको २५ औं ओभरको अन्तिम बलमा पृथु बास्कोटा स्लिपमा करण केसीबाट १२ रनमा समातिन पुगे । पृथुले ११ बलमा १ चौका र १ छक्का प्रहार गरे । पाँचौं विकेटका लागि पारसले आदिल खानसँग ७६ रनको साझेदारी गरेका थिए । आदिल खान २१ रनमा आउट भए ।
पारसलाई ४३ औं ओभरको चौथो बलमा सोमपाल कामीले जितेन्द्र मुखियाबाट क्याच गराए । नन्दन यादव २५ बलमा ५ चौका र १ छक्का सहित ४२ रनमा अविजित रहे ।

आर्मीका तीव्र गतिका बलर सोमपाल कामीले १० ओभरमा ६५ रन खर्चेर ५ विकेट लिए । विक्रम सोब, जितेन्द्र मुखिया, साहब आलम र करण केसीले १–१ विकेट लिए ।

लिगमा पुलिस ४ खेलमा ३ मा जित र १ मा हार सहित शीर्ष स्थानमा रहँदै फाइनलमा पुग्यो । एपिएफ ४ खेलमा ३ मा जित र १ मा हार सहित ६ अंकका साथ नेट रनरेटमा दोस्रो हुँदै फाइनलमा स्थान बनाएको छ । फाइनल शनिबार हुने छ । आर्मी, बागमती र मेयर ११ लिग चरणबाट बाहिरिएका छन् ।

April 4, 2025

मुम्बईले टस जित्यो

एजेन्सी – इण्डियन प्रिमियर लिग (आइपिएल) मा लखनउ सुपर जायन्ट्सकाविरुद्ध मुम्बई इण्डियन्सले टस जितेको छ । अटल बिहारी वाजपेयी ऐकना क्रिकेट स्टेडियममा पाहुना टोली मुम्बईका कप्तान हार्दिक पाण्ड्याले टस जितेर बलिङ रोजेका हुन् । मुम्बई पछिल्लो खेलमा कोलकाता नाइट राइडर्सलाई पराजित गरेर लखनउको घरेलु मैदानमा पुगेको छ । लखनउ पञ्जाब किंग्ससँग पराजित भएको थियो । […]

April 4, 2025

क्यानडाका कप्तान प्रहरी हिरासतमा

एजेन्सी – क्यानाडा क्रिकेट टोलीका कप्तान निकोलस किर्तनलाई बार्बाडोसमा प्रहरीले पक्राउ गरेको छ । नर्थ अमेरिकन कपको तयारीमा रहेका किर्तनलाई बार्बाडोस प्रहरीले गत आइतवार हिरासतमा लिएको बताइएको छ । ‘क्रिकेट क्यानडालाई राष्ट्रिय टोलीका खेलाडी निकोलस किर्टनमाथि लागेको आरोप र हिरासतबारे जानकारी गराइएको छ,’बोर्डले जारी गरेको विज्ञप्तिमा भनिएको छ, ‘ हामी स्थितिको निगरानी गरिरहेका छौं र […]

April 4, 2025

आइपिएलमा मुम्बई र लखनउ खेल्दै

एजेन्सी – इण्डियन प्रिमियर लिग(आइपिएल) मा आज मुम्बई इण्डियन्स र लखनउ सुपर जायन्ट्सबीच खेल हुँदैछ । अटल बिहारी वाजपेयी ऐकना क्रिकेट स्टेडियममा खेल नेपाली समय अनुसार शुक्रबार बेलुका ७ः४५ बजे सुरु हुनेछ । मुम्बई पछिल्लो खेलमा कोलकाता नाइटराइडर्सलाई पराजित गरेर लखनउको घरेलु मैदानमा पुगेको छ । लखनउ पञ्जाब किंग्ससँग पराजित भएको थियो । समान ३ […]

Success

Thank you for your time.