हाम्रो खेलकुद – अष्ट्रेलियाका उपकप्तान डेभिड वार्नरले दोश्रो पारिमा १७३ रन बनाएपनि दक्षिण अफ्रीकाले वन डे सिरिजमा ५-०को जित हासिल गरेको छ।

पहिलो ब्याटिङ्ग गरेर अष्ट्रेलियासामु ३२८ रनको विशाल लक्ष्य प्रस्तुत गरेको दक्षिण अफ्रिकाले पहिलोपटक अष्ट्रेलियालाइ सिरिज व्हाइटवास गरेको हो। दक्षिण अफ्रिकाको लागि राइली रुसोले शतक प्रहार गरेका थिए भने जेपी ड्युमिनीले ७३ रन प्रहार गर्दै इनिंग्स सम्हालेका थिए। अष्ट्रेलियाको लागि मिनी र ट्रेमेनले समान ३-३ विकेट लिएका थिए।

जवाफी ब्याटिङ्गमा उत्रेको अष्ट्रेलियाको लागि डेभिड वार्नर बाहेक अन्य कुनै ब्याट्सम्यानले ठुलो स्कोर बनाउन सकेनन।वार्नरले १३६ बलमा २४ चौकको मद्दतले १७३ रन बनाएका थिए।  मिचेल मार्श र ट्राभिस हेडले ३५-३५ रन बनाएर साथ् दिन खोजे पनि सफल हुन सकेनन। ४८.२ ओभरमा आलआउट भएको अष्ट्रेलियाले २९६ रन मात्र जोड्न सक्यो र ३१ रनले पराजय बेहोर्यो।

हारसंगै पहिलोपटक पांच खेलको सिरिजमा व्हाइटवास व्यहोरेको अष्ट्रेलियाका डेभिड वार्नर म्यान अफ द म्याच घोषित भए।