default_image

4 years ago

March 9, 2021

साहबको ७ विकेटको बाबजुद आर्मी पराजित

101 views

0 Bookmark

काठमाडौं (हाम्रो खेलकुद) – स्पिनर साहब आलमले एक्लै ७ विकेट लिएपनि त्रिभुवन आर्मी क्लब काठमाडौं मेयर कप–२०७७ एकदिवसिय क्रिकेट लिगमा नेपाल पुलिस क्लबसँग ३ विकेटले पराजित भएको छ ।

जितको लागि ८८ रनको सामान्य विजयी लक्ष्य पछ्याएको पुलिसले १८.३ ओभरमा ७ विकेट गुमाउँदै पूरा गर्यो । पुलिसका ओपनर सुनिल धमलाले ४८ बलमा ३ चौका र २ छक्का सर्वाधिक ३९ रनको योगदान दिए । पवन सरार्फ २६ बलमा ३ चौका र १ छक्का सहित २२ रनमा अविजित रहे ।

दीलिप नाथ १५ रनमा आउट हुँदा अन्यले राम्रो प्रर्दशन गर्न सकेनन् । कुशल भुर्तेल, दीपेन्द्र सिंह ऐरी र अनिल साह १–१ रनमा आउट भए । योगेन्द्र सिंह कार्कीले खाता खोल्न सकेनन् । आर्मीका स्पिनर साहब आलमले ९ ओभरमा १ मेडन सहित ४५ रन खर्चेर ७ विकेट लिएपनि टोलीलाई जिताउन सकेनन् ।

त्यसअघि मुलपानी क्रिकेट मैदानमा टस जितेर पहिला ब्याटिङ थालेको आर्मी ३०.१ ओभरमा ८७ रनमा अल आउट भएको थियो । आर्मीका लोकेश बमले २४ बलमा ३ छक्का र २ चौका सहित सर्वाधिक ३२ रनको योगदान दिए । विक्रम सोबले ३४ बलमा २ छक्का सहित १४ रन बनाए । रोहित कुमार पौडेलले ४५ बलमा १ छक्का सहित १३ रन बनाए । राष्ट्रिय टोलीका खेलाडीले भरिभराउ आर्मीका ८ खेलाडीले दोहोरो अंकमा रन बनाउन सकेनन् ।

एक समय ४३(८ को कमजोर अवस्थामा रहेको आर्मीलाई विक्रम सोब र लोकेश बमले ४१ रनको साझेदारी गरेका थिए । दोस्रो ओभरको पहिलो बलमा स्पिनर सागर ढकालले कुशल भुर्तेलबाट क्याच गराउँदै पहिलो सफलता दिलाएका थिए । सातौं ओभरको दोस्रो बलमा हरि चौहानलाई पवन सरार्फले ४ रनमा बोल्ड आउट गरे । लगत्तै आठौं ओभरको पहिलो बलमा सागरलेनै राजु रिजाललाई ४ रनमा अनिल साहबाट क्याच आउट गराए ।

सागरले राजेश पुलामी मगरलाई ६ रनमा क्याच आउट गराए । पवन सरार्फले कुशल मल्ललाई शून्य र सुशन भारी १ रनमा आउट गर्दा आर्मी १६।१ ओभरमा २५–६ को अवस्थामा पुगेको थियो । आर्मीले १० रन जोड्न शीर्षक्रमका ५ विकेट गुमाएपछि संकटमा परेको थियो । कप्तान विनोद भण्डारीलाई सागरले ३ रनमा बोल्ड आउट गरेपछि आर्मी ३२–७ को संकटमा पुगेको थियो ।

पुलिसका स्पिनर सागर ढकालले १० ओभरमा २ मेडन सहित ४० रन खर्चेर ५ विकेट लिए । पवन सरार्फ १० ओभरमा ५ मेडन सहित १४ रन खर्चेर ३ विकेट लिए । ललित नारायण राजवंशीले २ विकेट लिए ।

April 4, 2025

मुम्बईले टस जित्यो

एजेन्सी – इण्डियन प्रिमियर लिग (आइपिएल) मा लखनउ सुपर जायन्ट्सकाविरुद्ध मुम्बई इण्डियन्सले टस जितेको छ । अटल बिहारी वाजपेयी ऐकना क्रिकेट स्टेडियममा पाहुना टोली मुम्बईका कप्तान हार्दिक पाण्ड्याले टस जितेर बलिङ रोजेका हुन् । मुम्बई पछिल्लो खेलमा कोलकाता नाइट राइडर्सलाई पराजित गरेर लखनउको घरेलु मैदानमा पुगेको छ । लखनउ पञ्जाब किंग्ससँग पराजित भएको थियो । […]

April 4, 2025

क्यानडाका कप्तान प्रहरी हिरासतमा

एजेन्सी – क्यानाडा क्रिकेट टोलीका कप्तान निकोलस किर्तनलाई बार्बाडोसमा प्रहरीले पक्राउ गरेको छ । नर्थ अमेरिकन कपको तयारीमा रहेका किर्तनलाई बार्बाडोस प्रहरीले गत आइतवार हिरासतमा लिएको बताइएको छ । ‘क्रिकेट क्यानडालाई राष्ट्रिय टोलीका खेलाडी निकोलस किर्टनमाथि लागेको आरोप र हिरासतबारे जानकारी गराइएको छ,’बोर्डले जारी गरेको विज्ञप्तिमा भनिएको छ, ‘ हामी स्थितिको निगरानी गरिरहेका छौं र […]

April 4, 2025

आइपिएलमा मुम्बई र लखनउ खेल्दै

एजेन्सी – इण्डियन प्रिमियर लिग(आइपिएल) मा आज मुम्बई इण्डियन्स र लखनउ सुपर जायन्ट्सबीच खेल हुँदैछ । अटल बिहारी वाजपेयी ऐकना क्रिकेट स्टेडियममा खेल नेपाली समय अनुसार शुक्रबार बेलुका ७ः४५ बजे सुरु हुनेछ । मुम्बई पछिल्लो खेलमा कोलकाता नाइटराइडर्सलाई पराजित गरेर लखनउको घरेलु मैदानमा पुगेको छ । लखनउ पञ्जाब किंग्ससँग पराजित भएको थियो । समान ३ […]

Success

Thank you for your time.