एजेन्सी – श्रीलंकाले दोस्रो टि२० आई खेलमा वेस्टइन्डिजलाई ४३ रनले पराजित गरेको छ । शनिबार विहान सम्पन्न खेलमा श्रीलंकाले सहज जित निकाल्दै तीन टि२० आई सिरिज १–१ को बराबरीमा पुर्याएको छ ।

जितको लागि १ सय ६१ रनको विजयी लक्ष्य पछ्याएको वेस्टइन्डिज १८.४ ओभरमा १ सय १७ रनमा अल आउट भयो । वेस्टइन्डिजका तल्लोक्रमका ओबेद म्याकोयले २३ र ओपनर लेन्डन सिमन्सले २१ रन बनाए । क्रिस गेल १६, निकोलस पुरन ८, काइरन पोलार्ड १३ र फकियन एलेन १२ रन बनाए ।

वेस्टइन्डिजलाई सस्तैमा समेट्न श्रीलंका स्पिनर वानिन्दु हसरंगाले ४ ओभरमा १७ रन खर्चेर ३ विकेट लिए । अर्का स्पिनर लक्शान संदाकनले ३.४ ओभरमा १० रन खर्चेर ३ विकेट लिए । दुश्मन्था चामेराले २ विकेट लिए ।

त्यसअघि एन्टिगुआमा टस जितेर पहिला ब्याटिङ थालेको श्रीलंकाले निर्धारित २० ओभरमा ६ विकेट गुमाउँदै १ सय ६० रन बनाएको थियो । श्रीलंका ओपनर दनुष्का गुणथिलाकाले ४२ बलमा ४ चौका र २ छक्का सहित सर्वाधिक ५६ रनको योगदान दिए ।

अर्का ओपनर पाथुम निसान्काले २३ बलमा ४ चौका र १ छक्का सहित ३७ रन बनाए । कप्तान एन्जिलो म्याथ्युजले १३, एशेन बान्डाराले २१ र वानिन्दुले १९ रन बनाए । वेस्टइन्डिजका ड्वेन ब्राभोले २, ओबेद म्याकोय र जेसन होल्डरले १–१ विकेट लिए ।

पहिलो खेलमा वेस्टइन्डिज ४ विकेटले विजयी भएको थियो । तेस्रो खेल सोामबार बिहान हुने छ ।