काठमाडौं (हाम्रो खेलकुद) – आगामी चैत्रमा नेपाल, ओमान र अमेरिकाबीच हुने भनिएको आइसिसी विश्वकप लिग-२ को खेल औपचारिक रुपमा स्थगित भएको छ ।

यस भ्रमण यसअघिनै स्थगित हुने पक्का हुँदा नेपाल क्रिकेट संघ (क्यान) ले भने शुक्रबार एक प्रेस विज्ञप्ति मार्फत स्थगित भएको जनाएको छ । नेपालले उक्त त्रिकोणात्मक सिरिज आगमी मार्च १९ देखि २८ (चैत ६ देखि १५) सम्म खेल्ने कार्यक्रम रहेको थियो ।

जसको लागि पहिलो चरणमा २१ खेलाडी बन्द प्रशिक्षणमा बिहिबार सकि सकेको छ। क्यानले बढ्दो कोभिड प्रभाव१९ प्रभाव, लामो क्वारेन्टाइन प्रावधान र विभिन्न देशबीच रहेको ट्राभल रेस्ट्रिक्सन लगायतका विभिन्न कारण देखाउँदै स्थगित भएको जनाएको छ ।

ओमान सरकारको नियम अनुसार ७ दिन अनिवार्य क्वारेन्टाइनमा बस्नुपर्ने हुन्छ । ओमानले ७ दिनको क्वारेन्टाइन खर्च आइसिसीलाई तिर्न प्रस्ताब गर्दै आएको थियो । आइसिसीले उक्त भार नबेहोर्ने जनाएको हुँदा सिरिज स्थगित भएको यसअघिनै हाम्रो खेलकुदलाई स्रोतले जानकारी दिएको थियो ।

अमेरिकाले ओमान भ्रमणको लागि बोलाएको ४४ सदस्यीय टोलीको बन्द प्रशिक्षण एक हप्ता अघिनै स्थगित गरेको थियो । त्यस्तै आगमी अप्रिलमा पपुवा न्युगिनी, ओमान र स्कटल्यान्डबीचको सिरिज पनि स्थगित भएको छ । आगमी मे मा पपुवा न्युगिनी अमेरिका र नामिबियाबीच हुने सिरिज पनि स्थगित भएको छ ।

बन्द प्रशिक्षणमा बोलाईएका ३२ खेलाडी :

पृथु बास्कोटा, सौरभ खनाल, विक्रम सोब, राजेश पुलामी, रोहित पौडेल, सुशन भारी, साहब आलम, सन्दीप जोरा, कमलसिंह ऐरी, आशिफ शेख, सुनिल धमला, कुशल भुर्तेल, ललित नारायण राजवंशी, हरि शंकर शाह, विवेक यादव, रामनरेश गिरी, अर्जुन कुमाल, कृष्ण कार्की, खडक बहादुर बोहरा, अनुज चुनारा, पवन सरार्फ, शरद भेषावकर, अभिनास बोहरा, आरिफ शेख, दीपेन्द्र ऐरी, सोमपाल कामी, कुशल मल्ल, करण केसी, सन्दीप लामिछाने, विनोद भण्डारी, पारस खड्का र ज्ञानेन्द्र मल्ल ।