काठमाडौं (हाम्रो खेलकुद) – संयुक्त अरव इमिरेट्स (यूएई) मा आजदेखी चौथो संस्करणको टि१० लिग सुरु हुँदैछ । पहिलो खेलमा मराठा अरेवियन्स र नर्थन वारियर्ससँग खेल्दै छन् । खेल नेपाली समय अनुसार ५:४५ मा सुरु हुनेछ ।

मराठामा सोमपालको बलियो सम्भावना छ । पाकिस्तानका अनुभवी ब्याट्सम्यान सोएब मलिकले कप्तानी गर्ने छन् । सोमपालको टोलीमा तीव्र गतिका बलरमा विश्वचर्चित खेलाडीको कमी हुँदा खेल्ने सम्भावना छ । मराठाले तीव्र गतिका बलरमा सोमपाल र बंगलादेशका तस्किन अहमदले गर्ने सम्भावना छ ।

खेल १० ओभरको मात्र हुने हुँदा टोली सकेसम्म सर्वाधिक अलराउन्डरको साथ मैदान उत्रने छन् । जसको कारण समपालको सम्भावना देखिन्छ । सोमपालको टोलीमा मोहम्मद हफिज, सोएब मलिक, प्रबिण ताम्बे लगायतका खेलाडी छन् ।

यता वारियर्समा विश्वका चर्चित खेलाडी छन् । वेस्टइन्डिजका खेलाडीले भोरिएको वारियर्स उत्कृष्ट विजयी सुरुवात गर्न चाहान्छ । वारियर्समा लेन्डल सिमन्स, ब्रेन्डन किंग, रोभमन पवेल, निकोलस पुरन, पाकिस्तानका यहाब रियाज लगायतका खेलाडी छन् । कप्तानी पुरनले गर्ने छन् ।

त्यस्तै नेपाली अलराउन्डर करण केसी सम्मिलित पुणे डेभिल्स र डेकन ग्ल्याडियटर्स खेल्दै छन् । खेल नेपाली समय अनुसार ८ बजे आबूधाबीमा चल्ने छ । डेकन वेस्टइन्डिजका काइरन पोलार्डको कप्तानीमा मैदान उत्रने छ ।

डेकनमा सुनिल नारायण, कोलिन इनग्राम, पोलार्ड र इमरान ताहिर लगायतका विश्वका चर्चित खेलाडी छन् । यता करणको टोली पुणेमा चाडविक वाल्टन, साम विलिंग्स, थिसेरा परेरा, मोहम्मद आमिर लगायतका विश्व चर्चित खेलाडी हुँदा सम्भावना कम देखिन्छ ।