एजेन्सी – आगमी संस्करणको इन्डियन प्रिमियर लिग (आइपिएल) को लागि दिल्ली क्यापिटल्सले टोलीमै रहने र फुकुवा हुने खेलाडीको नाम सार्वजनिक गरेको छ ।

दिल्लीले १९ खेलाडीलाई टोलीमा राख्दा नेपाली लेगस्पिनर सन्दीप लामिछाने सहित ६ खेलाडीलाई भने फुकुवा गरेको छ । हालसम्म उपाधि जित्न नसकेको दिल्लीले गत नोभेम्बरमा पहिलो पटक फाइनलमा पुग्दै मुम्बईसँग हारेको थियो ।

सन् २०२० मा सर्वोत्कृष्ट प्रर्दशन गर्न मार्कस स्टोइनिससँगै कागिसो रबाडा र एनरिच नोर्कियालाई टोलीमै राखेको छ । कमजोर प्रर्दशन गरेका शिम्रन हेटमायरलाई पनि दिल्लीले टोलीसँगै राखेको छ । दिल्लीले सन्दीपलाई सन् २०१८ को अक्सनमा ३२ लाख नेपाली रुपैयाँमा अनुबन्ध गरेको थियो । २०१८ मा तीन र २०१९ मा पाँच खेलमा मौका पाउँदा सन्दीपले क्रमशः ५ र ८ विकेट लिएका थिए ।

दिल्लीले वेस्टइन्डिजका युवा अलराउन्डर किमो पललाई पनि २०२० मा पुरै खेलमा बेन्चमा राखेको थियो । पललाई पनि टोलीबाट फुकुवा गरेको छ । मोहित शर्मा, सन्दीप लामिछाने, एलेक्स केरी, जेसन रोय र तुषार देशपान्डेलाई दिल्लीले फुकुवा गरेको छ । जेसन रोय २०२० मा दिल्लीको टोलीमै थिएनन् । सन्दीप र पलले प्रतियोगिताभर मौकानै पाएका थिएनन् ।

दिल्लीमै रहने खेलाडी : शिखर धवन, कागिसो रबाडा, पृथ्वी शाह, अजिक्या रहाने, ऋषभ पन्त, श्रेयस ऐर, एनरिच नोर्किया, मार्कस स्टोइनिस, शिम्रन हेटमायर, अक्षर पटेल, अमित मिश्रा, ईशान्त शर्मा, रविचन्द्रन आश्विन, ललित यादव, हर्षल पटेल, क्रिस वोक्स, ड्यानियल साम्स, आवेश खान र प्रविन दुबे ।

फुकुवा भएका खेलाडी : किमो पल, मोहित शर्मा, सन्दीप लामिछाने, एलेक्स केरी, जेसन रोय र तुषारदेशपान्डे ।