एजेन्सी – भारतीय क्रिकेट टोलीका ब्याट्सम्यान तथा विकेटकिपर सन्जु स्यामसनले आगमी संस्करणको इन्डियन प्रिमियर लिग (आइपिएल) मा राजस्थान रोयल्सको कप्तानी गर्ने पक्का भएको छ ।

राजस्थानले स्टिभ स्मिथलाई टोलीबाटै हटाउँदै आफ्नो नयाँ कप्तान युवा ब्याट्सम्यान स्यामसनले गर्ने जनाएको छ । स्यामसनले आइपिएलमा लगातार उत्कृष्ट प्रर्दशन गर्दै आएका छन् । राजस्थानले स्मिथलाई फुकुवा (रिलिज) गरेको छ ।

स्मिथलाई राजस्थानले १२ करोड भारतीय ५० लाख भारतीय रुपैयाँमा अनुबन्ध गरेको थियो । तर स्मिथले प्रर्दशन र कप्तानी सोचे अनुसार गर्न सकेनन् । स्मिथले १४ खेलमा कुल ३ सय ११ रन बनाएका थिए । उनको कप्तानीमा राजस्थान १४ खेलमा ८ मा हार र ६ मा जित सहित पुछारमा रहँदै बाहिरिएको थियो ।

आक्रामक ब्याट्सम्यान सन्जुलाई चेन्नई सुपर किंग्स, रोयल च्यालेन्जर्स बेंगलोर र मुम्बई इन्डियन्स जस्ता ठूला फ्रेन्चाइज टोलीले भित्र्याउन ठूलो कसिस गरि रहेका थिए । तर राजस्थानले स्यामसनलाई कप्तानको भूमिकानै दिएको छ ।

स्यामसनले २०२० को आइपिएलमा १४ खेलमा ३ सय ७५ रन बनाएका थिए । स्यामसनले भारतीय चर्चित घरेलु क्रिकेट प्रतियोगिता शैद मुश्ताक अली ट्रफीमा यसै संस्करणदेखि कप्तानी समालेका छन् । राजस्थानले टोलीको निर्देशकमा श्रीलंका पूर्व सफल कप्तान कुमार संगकारालाई नियुक्त गरेको छ ।