एजेन्सी – भारतीय क्रिकेट टोलीका कप्तान विराट कोहलीको नेतृत्वमा रहेको रोयल च्यालेन्जर्स बेंगलोरले आगमी संस्करणको इन्डियन प्रिमियर लिग (आइपिएल) को अक्सनको लागि टोलीबाट १० खेलाडी फुकुवा (रिलिज) गरेको छ ।

बेंगलोरले इंग्ल्यान्डका स्पिनर मोइन अली देखि भारतीय युवा अलराउन्डर शिवम दुबे सम्मका खेलाडीलाई टोलीबाट फुकुवा गरेको जनाएको छ । अष्ट्रेलियाका युवा ब्याट्सम्यान तथा विकेटकिपर जोश फिलिपेलाई अनुबन्ध (रिटेन) गर्दा आरोन फिन्चलाई भने फुकुवा गरेको छ । बेंगलोरले हालसम्म आइपिएलको उपाधि जित्न सकेको छैन ।

गतवर्ष अक्सनमा १६ करोड नेपाली रुपैयाँ खचेर अनुबन्ध गरेका अलराउन्डर क्रिस मोरिसलाई पनि बेंगलोरले फुकुवा गरेको छ । दुबेलाई ८ करोड नेपाली रुपैयाँमा अनुबन्ध गरेको थियो । अष्ट्रेलिया स्पिनर एडम जाम्पा, तीव्र गतिका बलर केन रिचर्ड्सन र पवन देसपान्डेलाई टोलीमै राखेको छ ।

बेंगलोरले कोहलीसँगै १२ खेलाडीलाई टोलीमै राख्ने निर्णय गरेको छ । दक्षिण अफ्रिका आक्रामक ब्याट्सम्यान एबि डिभिलियर्स सहित चार विदेशी खेलाडीलाई टोलीमा राख्दा अन्यलाई फुकुवा गरेको छ । दक्षिण अफ्रिका तीव्र गतिका बलर डेल स्टेनले भने यस अघिनै आइपिएल नखेल्ने जनाई सकेका थिए । भारतीय क्रिकेटबाट सन्न्यास लिई सकेका पार्थिव पटेल पनि टोलीमा छैनन् ।

बेंगलोरले अनुबन्ध र फुकुवा गरेका खेलाडी

टोलीमै राखेका १२ खेलाडी : विराट कोहली, एबि डिभिलियर्स, युजभेन्द्र चहल, देवदत्त पाडिक्कल, वासिन्टन सुन्दर, मोहम्मद सिराज, नवदीप सैनी, एडम जाम्पा, शहवाज नदिम, जोश फिलिपे, केन रिचर्डसन, पवन देशपान्डे

अक्सनको लागि फुकुवा भएका १० खेलाडी : मोईन अली, शिवम दुबे, गुरक्रितसिंह मान, आरोन फिन्च, क्रिस मोरिस, पवन नेगी, पार्थिव पटेल, डेल स्टेन, इसुरु उडाना, उमेश यादव