4 years ago
January 18, 2021
काठमाडौं (हाम्रो खेलकुद) – उपकप्तान पृथु बास्कोटा र ओपनर आदिल खानको उत्कृष्ट ब्याटिङको सहयोगमा प्रधानमन्त्री कप राष्ट्रिय एकदिवसिय क्रिकेट प्रतियोगितामा बागमतीले सुदूरपश्चिमलाई ३ सय रनको विशाल लक्ष्य दिएको छ ।
टियु क्रिकेट मैदानमा टस हारेर ब्याटिङ थालेको बागमतीले निर्धारित ५० ओभरमा ९ विकेट गुमाउँदै २ सय ९९ रन बनायो । उपकप्तान तथा मध्यक्रमका ब्याट्सम्यान पृथु बास्कोटाले ९४ बलमा १० चौका र २ छक्का सहित सर्वाधिक ८४ रनको योगदान दिए । कप्तान सन्तोष भट्टको बलमा पृथु सन्जु धामीको बलमा एज लागेर आउट हुन पुगेपछि शतक बनाउन चुकेका थिए ।
आदिल ८६ बलमा १० चौका सहित ६३ रन जोड्दै आउट भए थिए । तीव्र गतिका बलर भोजराज भट्टको बलमा ठूलो सट खेल्ने धुनमा मिडअफमा गजेन्द्र बोहराबाट क्याच आउट हुन पुगे । तेस्रो विकेटका लागि पृथु र आदिलले १ सय ९ रनको उत्कृष्ट शतकीय साझेदारी गरेका थिए ।
ओपनर आकाश थापा दोस्रो ओभरमै १३ रनमा क्याच आउट हुन पुगेका थिए । तीव्र गतिका बलर भोजराज भट्टको बलमा ठूलो सट खेलेका आकाश थर्डम्यानमा शेर मल्लबाट उत्कृष्ट क्याच आउट हुँदै पेभिलिएन फर्केका थिए । आक्रामक ब्याटिङ गरेका उनले ८ बलमा ३ चौका प्रहार गरे ।
दशौं ओभरको चौथो बलमा स्पिनर विनोद लामाले पारस खड्कालाई २० रनमा बोल्ड आउट गरेका थिए । पारसले १९ बलमा ३ चौका प्रहार गरे । तल्लोक्रममा कप्तान ज्ञानेन्द्र मल्ल २३ बलमा ३ चौका सहित ३२ रनमा आउट भए । ईशान पान्डे १७, विपिन आचार्य ३२ रनमा आउट हुँदा रामनरेश गिरी १० रनमा अविजित रहे ।
नारायन जोशीले १० ओभरमा ६८ रन खर्चेर ३ विकेट लिए । भोजराज भट्टले ८ ओभरमा ६३ रन खर्चेर २ विकेट लिए । सन्तोष भट्टले ९ ओभरमा ५९ रन खर्चेर २ विकेट लिए । विनोद लामाको नाममा १ विकेट रह्यो ।
March 19, 2025
काठमाडौं (हाम्रो खेलकुद)- नेपाल पुलिस क्लबका स्पिनर ललित नारायण राजवंशी लुम्बिनी प्रदेशमा जारी प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा प्रदर्शन अब्बल रहँदै आएको छ। पुलिसले अहिले सम्म खेलेका सबै ६ खेलमा जित निकाल्न सफल रहँदा ललितको प्रदर्शन प्रमुख बनेको छ। उनको बलिङको जादु चलिरहेको छ। क्रिकेटमा ५ विकेट हलको महत्त्व विशेष मानिन्छ। लेफ्ट आर्म […]
March 19, 2025
काठमाडौं(हाम्रो खेलकुद) – प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगिताको इतिहासमा त्रिभुवन आर्मी क्लबविरुद्ध मधेश प्रदेशले पहिलो पटक जित हासिल गरेको छ । बुधवार भएको खेलमा मधेशले आर्मीलाई ३ विकेटले हराउँदै ऐतिहासिक जित हात पारेको हो । मधेशले आर्मीलाई समग्रमा दोस्रो पटक र पिएम कपमा पहिलो पटक हराएको हो । सन् २०२३ मा पोखरामा भएको […]
March 19, 2025
एजेन्सी – इण्डियन प्रिमियर लिग(आइपिएल) को आफ्नो पहिलो खेलमा नियमित कप्तान हार्दिक पाण्ड्याको अनुपस्थितीमा मुम्बई इन्डियन्सको कप्तानी सुर्यकुमार यादवले गर्ने भएका छन् । मुम्बईका मुख्य प्रशिक्षक महेला जयवर्धनेले बुधबार मुम्बईमा आयोजित पत्रकार सम्मेलनमा सुर्यकुमारले पहिलो खेलमा कप्तानी गर्ने बताएका हुन् । नियमित कप्तान हार्दिक पाण्ड्यालाई सन् २०२४ को आइपिएलको अन्तिम खेलमा स्लो ओभर रेटका कारण […]
