4 years ago
January 17, 2021
काठमाडौं (हाम्रो खेलकुद) – स्पिनर तिलकराज भण्डारी र तीव्र गतिका बलर नन्दन यादवको उत्कृष्ट बलिङको सहयोगमा चौथो संस्करणको प्रधानमन्त्री कप राष्ट्रिय क्रिकेट प्रतियोगिता तेस्रो खेलमा पुलिसले बागमती प्रदेशलाई १ सय १२ रनको सामान्य लक्ष्य दिएको छ ।
टियु क्रिकेट मैदानमा टस हारेर ब्याटिङ थालेको पुलिस २९.३ ओभरमा १ सय ११ रनमा अल आउट भएको थियो । बागमतीको बलिङ सामु पुलिसका कुनैपनि ब्याट्सम्यानले क्रिजमा टिकेर जिम्मेवारी प्रर्दशन गर्न नसक्दा सस्तैमा अल आउट हुन पुगेको हो ।
पहिलो ओभरको तेस्रो बलमै सुनिल धमलाले एक रनमा जीवनदान पाएका थिए । तीव्र गतिका बलर रामनरेश गिरीको बलमा एज लागेर गएको बल विकेटकिपर आकाश थापाले छोड्न पुगेका थिए ।
रामनरेशको सातौं ओभरमा तेस्रो बलमा ठूलो सट खेल्ने धुनमा धमला मिस हुँदा १७ रनमा एलबिडब्लूको शिकार बन्न पुगे । धमलाले २२ बलमा ३ चौका प्रहार गरे । नवौं ओभरको तेस्रो बलमा रामनरेशले अमितलाई मिड अफमा ज्ञानेन्द्र मल्लबाट क्याच आउट गराएका थिए । अमितले १० बलमा १ छक्का प्रहार गरे ।
तीव्र गतिका बलर नन्दन यादवले १५ औं ओभरको तेस्रो बलमा ओपनर कुशल भुर्तेललाई फस्ट स्लिपमा रहेका पारस खड्काबाट १७ रनमा क्याच गराएपछि पुलिस दबाबमा परेको थियो । ३९ बल खेलेका उनले २ चौका प्रहार गरे ।
१४.३ ओभरमा ६६–३ को अवस्थामा रहेको पुलिसलाई आरिफ शेख र दीपेन्द्र सिंह ऐरीले ३४ रनको साझेदारी गर्दै सम्हाल्न खोजेका थिए । तर युवा लेगस्पिनर तिलकराज भण्डारीले आरिफलाई २१ रनमा एलबिडब्लू आउट गर्दै पेभिलिएन फर्काएपछि बागमतीले निरन्तर दबाब कायम गरेको थियो । आरिफले २५ बलमा ३ चौका प्रहार गरे ।
२३ औं ओभरमा नन्दनले दीपेन्द्रलाई आकाशबाट २१ रनमा क्याच आउट गराएपछि पुलिस १०२– ५ को कमजोर अवस्थामा पुगेको थियो । दीपेन्द्रले ३९ बलमा २ चौका प्रहार गरे । पुलिसका तल्लोक्रमका ब्याट्सम्यान पनि सम्हालिएर खेल्न सकेनन् ।
तिलकको २४ औं ओभरको दोस्रो बलमा अनिल कुमार शाह एज लागेर फस्ट स्लिपमा रहेका पारसबाट १ रनमा क्याच भएपछि पुलिस संकटमा परेको थियो । २५ औं ओभरको अन्तिम बलमा नन्दनले मन्जित श्रेष्ठलाई स्लिपमा पारसबाट ५ रनमा उत्कृष्ट क्याच आउट गराएपछि पुलिस १०७–७ को कमजोर अवस्थामा पुगेको थियो । नन्दनले राशिद खानलाई एक रनमा बोल्ड आउट गरे । दबाबमा तिलककै बलमा गलत सट खेल्दै पवन एक रनमा क्याच आउट भए ।
नन्दन यादवले ९ ओभरमा १ मेडन सहित ३१ रन खर्चेर ४ विकेट लिए । तिलकराज भण्डारीले ७.३ ओभरमा १ मेडन सहित १७ रन खर्चेर ४ विकेट लिए । रामनरेश गिरीले ६ ओभरमा ३० रन खर्चेर २ विकेट लिए ।
March 19, 2025
काठमाडौं(हाम्रो खेलकुद) – प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगिताको इतिहासमा त्रिभुवन आर्मी क्लबविरुद्ध मधेश प्रदेशले पहिलो पटक जित हासिल गरेको छ । बुधवार भएको खेलमा मधेशले आर्मीलाई ३ विकेटले हराउँदै ऐतिहासिक जित हात पारेको हो । मधेशले आर्मीलाई समग्रमा दोस्रो पटक र पिएम कपमा पहिलो पटक हराएको हो । सन् २०२३ मा पोखरामा भएको […]
March 19, 2025
एजेन्सी – इण्डियन प्रिमियर लिग(आइपिएल) को आफ्नो पहिलो खेलमा नियमित कप्तान हार्दिक पाण्ड्याको अनुपस्थितीमा मुम्बई इन्डियन्सको कप्तानी सुर्यकुमार यादवले गर्ने भएका छन् । मुम्बईका मुख्य प्रशिक्षक महेला जयवर्धनेले बुधबार मुम्बईमा आयोजित पत्रकार सम्मेलनमा सुर्यकुमारले पहिलो खेलमा कप्तानी गर्ने बताएका हुन् । नियमित कप्तान हार्दिक पाण्ड्यालाई सन् २०२४ को आइपिएलको अन्तिम खेलमा स्लो ओभर रेटका कारण […]
March 19, 2025
काठमाडौं(हाम्रो खेलकुद) – सुदूरपश्चिम प्रदेशले प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा लुम्बिनी प्रदेशविरुद्ध जित हासिल गरेको छ । बुधवार भएको खेलमा सुदूरपश्चिमले ५ विकेटको जित हासिल गर्यो । लुम्बिनीले दिएको १ सय १७ रनको लक्ष्य सुदूरपश्चिमले ३१.१ ओभरमा ५ विकेट गुमाएर पूरा गर्यो । सुदूरपश्चिमको जितमा किरण कुमार ठगुन्नाले नट आउट रहँदै सर्वाधिक ४३ […]
