4 years ago
January 16, 2021
काठमाडौं (हाम्रो खेलकुद) – बागमती प्रदेश क्रिकेट संघले चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगितामा शतक बनाउने आफ्ना प्रदेशका खेलाडीलाई १० हजार रुपैयाँ पुरस्कार प्रदान गर्ने भएको छ ।
संघका सचिव दुर्गाराज पाठकका अनुसार शतक हान्ने प्रत्येक खेलाडीले संघको तर्फबाट १० हजार रुपैयाँ पाउने छन् । त्यस्तै अर्धशतक हान्ने खेलाडी र पाँच विकेट लिने खेलाडीले ५–५ हजार पाउने छन् । प्रत्येक खेलमा तीन विकेट लिने खेलाडीले तीन हजार रुपैयाँ पाउने छन् ।
संघले हरेक खेलाडीको प्रतियोगिता अवधीभर ५ लाख बराबरको विमा पनि गरेको जनाएको छ । बागमती खेलकुद विकास परिषद्ले खेलाडीलाई दैनिक खेलको जनही २ हजार भत्ता र पोशाक प्रदान गर्ने भएको छ ।
राष्ट्रिय क्रिकेट टोलीका कप्तान ज्ञानेन्द्र मल्ललाई बागमती प्रदेश अन्तर्गत सामाजिक विकास मन्त्रालय बागमती प्रदेश खेलकुद विकास परिषद्को सदस्य पदमा पाँच वर्षको लागि नियुक्त गरेको छ । बागमतीले शनिवार एक कार्यक्रमका बीच खेलाडीलाई विदाई गरेको थियो ।
बागमती समूह बी मा छ । पहिलो खेल बागमतीले माघ ४ मा पुलिससँग खेल्दै सुरुवात गर्ने छ । सुदूरपश्चिमसँग टियुमै माघ ५ खेल्ने छ । त्यसपछि बाँकी दुई खेल मुलपानीमा खेल्ने छ । मुलपानीमा माघ ९ मा प्रदेश २ र माघ ११ मा लुम्बिनीसँग खेल्नेछ ।
बागमतीको टोली : ज्ञानेन्द्र मल्ल (कप्तान), पृथु बास्कोटा (उपकप्तान), पारस खड्का, ईशान पान्डे, रामनरेश गिरी, दीपेश श्रेष्ठ, आकाश थापा, आदिल खान, विभत्सु थापा, गौतम केसी, अरियो पौडेल, तिलकराज भण्डारी, बिपिन आचार्य र नन्दन यादव
March 19, 2025
काठमाडौं(हाम्रो खेलकुद) – प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगिताको इतिहासमा त्रिभुवन आर्मी क्लबविरुद्ध मधेश प्रदेशले पहिलो पटक जित हासिल गरेको छ । बुधवार भएको खेलमा मधेशले आर्मीलाई ३ विकेटले हराउँदै ऐतिहासिक जित हात पारेको हो । मधेशले आर्मीलाई समग्रमा दोस्रो पटक र पिएम कपमा पहिलो पटक हराएको हो । सन् २०२३ मा पोखरामा भएको […]
March 19, 2025
एजेन्सी – इण्डियन प्रिमियर लिग(आइपिएल) को आफ्नो पहिलो खेलमा नियमित कप्तान हार्दिक पाण्ड्याको अनुपस्थितीमा मुम्बई इन्डियन्सको कप्तानी सुर्यकुमार यादवले गर्ने भएका छन् । मुम्बईका मुख्य प्रशिक्षक महेला जयवर्धनेले बुधबार मुम्बईमा आयोजित पत्रकार सम्मेलनमा सुर्यकुमारले पहिलो खेलमा कप्तानी गर्ने बताएका हुन् । नियमित कप्तान हार्दिक पाण्ड्यालाई सन् २०२४ को आइपिएलको अन्तिम खेलमा स्लो ओभर रेटका कारण […]
March 19, 2025
काठमाडौं(हाम्रो खेलकुद) – सुदूरपश्चिम प्रदेशले प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा लुम्बिनी प्रदेशविरुद्ध जित हासिल गरेको छ । बुधवार भएको खेलमा सुदूरपश्चिमले ५ विकेटको जित हासिल गर्यो । लुम्बिनीले दिएको १ सय १७ रनको लक्ष्य सुदूरपश्चिमले ३१.१ ओभरमा ५ विकेट गुमाएर पूरा गर्यो । सुदूरपश्चिमको जितमा किरण कुमार ठगुन्नाले नट आउट रहँदै सर्वाधिक ४३ […]
