काठमाडौं (हाम्रो खेलकुद)– एक्सन स्पोर्टस् एचडीले प्रधानमन्त्री कप पुरुष राष्ट्रिय एक दिवसिय क्रिकेट प्रतियोगिताको प्रत्यक्ष प्रसारण गर्ने भएको छ । डिस मिडिया नकवर्ट र नेपाल क्रिकेट संघ (क्यान) बीच हालै प्रधानमन्त्री कप क्रिकेटको प्रसारण अधिकार सम्झौतामा हस्ताक्षर भएको छ ।

क्यानका अध्यक्ष चतुरबहादुर चन्द र डिस मिडियाका प्रबन्ध निर्देशक सुदीप आचार्यले सम्झौता पत्रमा हस्ताक्षण गरे । प्रधानमन्त्री कप मुलपानी र टियु क्रिकेट मैदानमा चल्ने छ । माघ १७ गते सम्म चल्ने प्रतियोगितामा ७ प्रदेश र ३ विभागिय गरि सहभागी १० टोलीलाई दुई समूहमा विभाजन गरिएको छ । समूह ‘ए’ मा त्रिभुवन आर्मी आर्मी, एपिएफ, कर्णाली, गण्डकी र प्रदेश १ छन् ।

त्यस्तै समूह ‘बी’ मा पुलिस, लुम्बिनी, प्रदेश २, बागमती र सुदूरपश्चिम छन् । राउन्ड रोविन लिगपछि समूहका शीर्ष दुईदुई टोली सेमिफाइनलमा पुग्ने छन् । पहिलो सेमिफाइनल माघ १४ र दोस्रो माघ १५ गते हुनेछ । फाइनल माघ १७ गते हुने छ ।

यसअघि दाङमा भएको प्रधानमन्त्री कप महिला प्रतियोगिताको पनि एक्सन स्पोर्टस्ले प्रत्यक्ष प्रसारण गरेको थियो । डिस होम फाइबर नेटले पनि केहि अघिबाट आफ्नो सेवा सुरु गरिसकेको छ डिस होमले जनाएको छ ।