काठमाडौं (हाम्रो खेलकुद) – राष्ट्रिय क्रिकेट टोलीका कप्तान ज्ञानेन्द्र मल्लको कप्तानीमा बागमतीले चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगिताको लागि १४ सदस्य टोली घोषणा गरेको छ ।

घोषणा टोलीमा युवा स्पिनर अरियो पौडेल र ब्याट्सम्यान विपिन आचार्यले पहिलो पटक टोलीमा स्थान बनाएका छन् । राष्ट्रिय टोलीका पूर्वकप्तान पारस खड्का पनि छन् । उपकप्तानको जिम्मेवारी पृथु बास्कोटालाई दिइएको छ ।

यसअघि गण्डकी प्रदेशबाट खेल्दै आएका तीव्र गतिका बलर दीपेश श्रेष्ठ र ब्याट्सम्यान आकाश थापाले बागमतीबाट खेल्ने छन् । यसपटक बागमतीमा तीव्र गतिका बलर प्रतिस जि.सी, युवा ब्याट्सम्यान अभिषेक बस्नेत र अलराउन्डर सोनु तामाङ लगायतका खेलाडी भने छैनन् । ओपनर रित गौतम र स्पिनर सूर्य तामाङ पनि बागमती छोडर एपिएफमा गइसकेका छन् ।

बागमतीले गत वर्ष सेमिफाइनल सम्म यात्रा गरेको थियो । सेमिफाइनलमा आर्मीसँग पराजित हुँदै बाहिरिएको थियो । बागमती समूह बी मा छ । पहिलो खेल बागमतीले माघ ४ मा पुलिससँग खेल्दै सुरुवात गर्ने छ । सुदूरपश्चिमसँग टियुमै माघ ५ खेल्ने छ । त्यसपछि बाँकी दुई खेल मुलपानीमा खेल्ने छ । मुलपानीमा माघ ९ मा प्रदेश २ र माघ ११ मा लुम्बिनीसँग खेल्ने छ ।

बागमतीको टोली : ज्ञानेन्द्र मल्ल (कप्तान), पारस खड्का, पृथु बास्कोटा, ईशान पान्डे, रामनरेश गिरी, दीपेश श्रेष्ठ, आकाश थापा, आदिल खान, विभत्सु थापा, गौतम केसी, अरियो पौडेल, तिलकराज भण्डारी, बिपिन आचार्य र नन्दन यादव

वैकल्पिक खेलाडी : रिजन ढकाल, सुबास खत्री, जितेन्द्र सिंह ठकुरी, पवन श्रेष्ठ,

प्रशिक्षक : रिकेश लामा

व्यवस्थापक : प्रेम क्षेत्री,

अफिसियल : जीवराज आचार्य