4 years ago
January 14, 2021
काठमाडौं (हाम्रो खेलकुद) – प्रधानमन्त्री कप राष्ट्रिय एकदिवसिय क्रिकेट प्रतियोगिता अन्तर्गत लुम्बिनी प्रदेश छनोट उपाधि रुपन्देहीले जितेको छ । रुपन्देहीले बिहिबार फाइनलमा बाँकेलाई १ सय ७ रनको फराकिलो अन्तरले हराउँदै उपाधि जितेको हो ।
सिद्धार्थ रंगशालामा टस जितेर पहिला ब्याटिङ थालेको रुपन्देहीले निर्धारित ४० ओभरमा ८ विकेट गुमाउँदै १ सय ८७ रन बनाएको थियो । रुपन्देहीका मध्यक्रमका ब्याट्सम्यान सन्दीप रजालीले ८६ बलमा ८ चौका र ३ छक्का सहित ८९ रनको योगदान दिए ।
प्रकाश केसीले ३५, कृष्ण कार्कीले १९, विक्रम भुषाल १४ र सन्दीप सुनार १२ रनको योगदान दिए । बाँकेका आकाश विष्ट र अजय साहानीले ३–३ विकेट लिए ।
जितका लागि १ सय ८८ रनको विजयी लक्ष्य पछ्याएको बाँके २६.३ ओभरमा ८० रनमा अल आउट भयो । बाँकेका रमेश सिंहले १९ र सुबेन्दु पान्डेले १० रन बनाउन बाहेक अन्यले राम्रो प्रर्दशन गर्न सकेनन् । रुपन्देहीका युवा स्पिनर अनिल खरेलले ८ ओभरमा ३ मेडन सहित १५ रन खर्चेर ५ विकेट लिए ।
नितेश थापाको नाममा २ विकेट रह्यो । प्रतियोगिता सर्वोत्कृष्ट खेलाडी रुपन्देहीका लेगस्पिनर विक्रम भुषाल (प्लेयर अफ द टुनामेन्ट) चुनिए । रुपन्देही समूह ए र बाँके समूह बी को विजेताको रुपमा फाइनल खेलेका थिए ।
March 19, 2025
काठमाडौं(हाम्रो खेलकुद) – लुम्बिनी प्रदेश प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा सुदूरपश्चिम प्रदेशविरुद्ध कम रनमै अल आउट भएको छ । भैरहवामा जारी खेलमा लुम्बिनी प्रदेश १ सय १६ रनमै अलआउट भएको हो । एक्स्ट्रा टेक क्रिकेट मैदानमा टस जितेर पहिले ब्याटिङ गरेको लुम्बिनी ४४.१ ओभरमा १ सय १६ रनमा समेटिएको हो । लुम्बिनीका लागि […]
March 19, 2025
काठमाडौं(हाम्रो खेलकुद) – भीम सार्कीको शतकबाट चुक्दा प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले मधेश प्रदेशलाई प्रतिस्पर्धात्मक लक्ष्य दिएको छ । दाङमा जारी खेलमा आर्मीले मधेशलाई २ सय १८ रनको प्रतिस्पर्धात्मक लक्ष्य दिएको छ । लमहीमा रहेको देउखुरी क्रिकेट मैदानमा टस जितेर पहिले ब्याटिङ गरेको आर्मीले निर्धारित ५० ओभरमा ७ विकेट गुमाएर […]
March 19, 2025
काठमाडौं(हाम्रो खेलकुद) – स्पिनर ललितनारायण राजवंशीको ५ विकेट तथा कप्तान दीपेन्द्रसिंह ऐरीको विष्फोटक अर्धशतकको सहयोगमा प्रधानमन्त्री (पिएम) कप पुरुष एकदिवसीय राष्ट्रिय क्रिकेट प्रतियोगितामा नेपाल पुलिस क्लबले लगातार छैठौं जित हात पारेको छ । साविक विजेता पुलिसले बुधवार गण्डकी प्रदेशलाई ७ विकेटले हरायो । ९३ रनको लक्ष्य पुलिसले १६ ओभरमा ३ विकेट गुमाएर पूरा गर्यो । […]
