काठमाडौं (हाम्रो खेलकुद) – प्रधानमन्त्री राष्ट्रिय एकदिवसिय क्रिकेट प्रतियोगिता २०७७ को लागि गण्डकी प्रदेशले विपिन खत्रीको कप्तानीमा १४ सदस्य टोली घोषणा गरेको छ ।

घोषित टोलीमा १४ वर्षिय ब्याट्सम्यान अर्जुन कुमाल लगायतका युवा खेलाडीको बाहुल्यता छ । अर्जुन गण्डकी प्रदेश छनोटमा उत्कृष्ट प्रर्दशन गर्दै सर्वोत्कृष्ट ब्याट्सम्यान चुनिएका थिए । गत वर्ष यू१६ राष्ट्रिय टोलीमा राम्रो प्रभाव छोडेका अर्जुनले गण्डकी छनोटमा ३ खेलमा १ सय ४२ रन बनाएका थिए ।

प्रधानमन्त्री कप माघ २ देखि १७ सम्म काठमाडौं र मुलपानी क्रिकेट मैदानमा हुँदैछ । गण्डकी समूह ए मा छ । समूह ए मा गण्डकीसँगै त्रिभुवन आर्मी, एपिएफ, प्रदेश नम्बर १ र कर्णाली छन् ।

गण्डकीले पहिलो खेल आर्मीसँग माघ २ मा टीयूमा खेल्ने छ । माघ ५ मा प्रदेश १ सँग मुलपानीमा खेल्ने छ । मुलपानीमै गण्डकीले माघ ६ मा कर्णालीसँग खेल्ने छ । माघ ८ मा एपिएफसँग खेल्ने छ ।

गण्डकीको टोली : विपिन खत्री (कप्तान), अशोक श्रेष्ठ (उपकप्तान), दीपेश खत्री, चन्द्रकान्त पौडेल, अमृत गुरुङ, राहुल उपाध्याय, दीपक डुम्रे, अभिषेक थापा, सुवास भण्डारी, समिर कंडेल, अर्जुन कुमाल, विशाल पौडेल, विष्णु पान्डे र दीनेश बुढा मगर