काठमाडौं (हाम्रो खेलकुद) – शारदा एजुकेशन पार्कको आयोजनामा कोहलपुरमा ‘कोहलपुर’ ओपन क्रिकेट प्रतियोगिता सुरु भएको छ। कोहलपुर प्रस्तावित अन्तर्राष्ट्रिय क्रिकेट मैदानमा पहिलो दिन सम्पन्न दुईवटा खेलमा न्यु दर्पण युथ क्लब र कारकाँदो स्पोर्टस क्लब विजयी हुँदै क्वार्टरफाइनल स्थान बनाएका छन् ।

पहिलो खेलमा न्यु दर्पण युथ क्लबले जगवार क्रिकेट क्लबलाई ३० रनले पराजित गर्यो । न्यु दर्पणले दिएको १ सय २१ रनको लक्ष्य पछ्याउने क्रममा जगवारले निर्धारित १५ ओभरमा ९ विकेट गुमाएर ९० रन मात्र बनाउन सक्यो। मोहम्मद सलमानले सर्वाधिक २३ रनको योगदान दिए ।

अंकुर कुमार सिंहले १२ रन तथा अस्लम हलवाई र अरमान सल्मानीले १०-१० रन बनाए। न्यु दर्पणका रेशम सिंह ठकुरी र दिप रानाले समान २ विकेट लिए । सिमोन थापा, करन भण्डारी र प्रेम सुनारको नाममा १-१ विकेट रह्यो ।

त्यसअघि टस हारेर पहिले ब्याटिङ गरेको न्यु दर्पणले निर्धारित १५ ओभरमा ५ विकेट गुमाउँदै १ सय २१ रन बनाएको थियो । दीप रानाले सर्वाधिक ३३ रन बनाए । गजेन्द्र ओलीले २८ रन तथा दीप बिसीले २२ रन जोडे । जगवारका मुजिब अन्सारी, इमरान आलम, हसिब अन्सारी र बिकाश साउँदले १-१ विकेट लिए ।

दोश्रो खेलमा कारकाँदो स्पोर्ट्स क्लबले कोहलपुर स्ट्राइकर्सलाई ३ विकेटले पराजित गर्यो। कोहलपुरले दिएको ७४ रनको लक्ष्य कारकाँदोले १३.१ ओभरमा ७ विकेट गुमाएर पुरा गर्यो। कारकाँदोका संगम कंडेलले सर्वाधिक अविजित ३० रन बनाए । उत्कर्ष विश्वकर्माले १४ रन बनाए। कोहलपुरका मेग राज बिस्टले सर्वाधिक ३ विकेट लिए।

टस जितेर पहिले ब्याटिङ गरेको कारकाँदो १२.१ ओभरमा ७३ रनमा अल आउट भएको थियो । सौगात पौडेलले सर्व्धिक २७, मन बहादुर मल्लले १४ तथा सुमन परियारले १० रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

कोहलपुरका संगम कंडेलले सर्वाधिक ४ विकेट लिए । कुशल न्यौपानेले २ विकेट तथा जीवन रावल, नबिन गौतम र हुसेन अलिले समान १ विकेट लिए। प्रतियोगिता अन्तर्गत सोमबार तिन वटा खेलहरु हुनेछन् ।

पहिलो खेलमा विहान ८ बजे च्याम्पियन्स स्पोर्ट्स क्लब र रनियापुर स्पोर्ट्स क्लब, दोश्रो खेलमा विहान ११ बजे कोहलपुर क्रिकेट एकेडेमी र ढकेरी किंग्स तथा तेश्रो खेलमा २ बजे बिबि वारियर्स र रझेना टर्मिनेटरले प्रतिस्पर्धा गर्नेछन्।