काठमाडौं (हाम्रो खेलकुद) – प्रधानमन्त्री राष्ट्रिय पुरुष प्रतियोगिता अन्तर्गत बागमती छनोटमा टीयूलाई हराउँदै चितवन फाइनलमा पुगेको छ ।

शनिबार टीयूलाई ३ विकेटले हराउँदै चितवन समूह बी बाट शीर्षस्थानमा रहँदै फाइनलमा पुगेको हो । मुलपानी क्रिकेट मैदानमा टस जितेर पहिला ब्याटिङ थालेको टीयू ४० ओभरमा १ सय ४६ रनमा अलआउट भएको थियो । टीयूका सुसान्त तिमिल्सिना २१ र पृथु वास्कोटा २८ रनको योगदान दिए । चितवनका दीपेश श्रेष्ठ, दिवास आचार्य र प्रसान्त महत २–२ विकेट लिए ।

जितका लागि १ सय ४७ रनको विजयी लक्ष्य पछ्याएको चितवनले ३५.५ ओभरमा ७ विकेट गुमाउँदै पूरा गरिन् । आकाश थापा १९, रोविन शर्मा २८, अजित भण्डारीलाई १७, विकाल कुमार गुप्ता २२ र संघर्ष पौडेल २० रनको योगदान दिए । आयुश बानियाँले सर्वाधिक २ विकेट लिए ।

अर्को खेलमा मवकानपुरले भक्तपुरलाई ६ विकेटले हरायो । टीयूमा टस जितेर पहिला ब्याटिङ गरेको भक्तपुर ३५.२ ओभरमा १ सय ३६ रनमा अल आउट भएको थियो । धिजल अधिकारीले ३६, प्रसान्त पन्डितले २९, अदित सुवेदीले १४ र कृष कार्कीले १९ रन बनाए । रिजन ढकालले ३, पियुष शर्मा र विशाल फुर्यालले २–२ विकेट लिए ।

जितका लागि १ सय ३७ रनको लक्ष्य पछ्याएको मवकानपुरले २८ ओभरमा ४ विकेट गुमाउँदै पूरा गर्यो । तक्षक सिम्खडाले ५६ बलमा १० चौका र १ छक्का सहित ६४ रनमा अविजित रहे । विशाल र सुभले २२–२२ रन बनाए । सुवास खत्री र सुसान श्रेष्ठले २–२ विकेट लिए ।

समूह ए मा मवकानपुर, काठमाडौं, भक्तपुर र नुवाकोट छन् । समूह बी मा चितवन, ललितपुर र टीयू थिए । फाइनल पुष २१ म हुने छ ।