दाङ (हाम्रो खेलकुद) – सगरमाथा सिमेन्ट महिला प्रधानमन्त्री राष्ट्रिय टि२० क्रिकेट प्रतियोगिता अन्तर्गत समूह ए का सोमबार पहिला खेलमा प्रदेश २ ले कर्णाली प्रदेशविरुद्ध पहिला ब्याटिङ गर्ने भएको छ ।

देउखुरी क्रिकेट मैदानमा प्रदेश २ की कप्तान सरस्वती चौधरीले टस जितेर पहिला ब्याटिङ गर्ने निर्णय लिएकी हुन् । यी दुवै टोली प्रतियोगिताबाट बाहिरी सकेका छन् । नतिजा प्रतिष्ठाको लडाईंमात्र हुने छ ।

कर्णाली पहिलो खेलमा एपिएफसँग २ सय ४ रन र दोस्रो खेलमा लुम्बिनीसँग ९ विकेटले पराजित भएको थियो । भर्खर क्रिकेट सिक्दै गरेको कर्णाली जित भन्दा पनि सिक्नतर्फ ध्यान दिने छन् । कर्णालीकी दीक्षा पुरी र अन्जु गुरुङले भने राम्रो सम्भावना देखाएका छन् ।

कमजोर ब्याटिङ गरेको कर्णाली खेलमा हार जित भन्दा पनि सिक्नमा धेरै ध्यान दिनेछ । यता सेमिफाइनलको दाबेदार प्रदेश २ पनि सुरुवाती दुबै खेलमा पराजित भएसँगै बाहिरिएको छ । अन्तिम खेलमा कर्णालीलाई फराकिलो अन्तरले हराउँदै अन्त्य गर्ने सोचमा छ । प्रदेश २ पहिलो खेलमा लुम्बिनीसँग ९ र एपिएएफसँग ८ विकेटले पराजित भएको थियो ।

कर्णाली प्लेइङ ११ : लक्ष्मी रिमाल (कप्तान), अन्शु शाक्य, दीक्षा पुरी, दीपा राना, तृसना विश्वकर्मा, आयुशा टन्डन, निशा पराजुली, स्वेता थापा, मोनिका राना, अन्जु गुरुङ र सुजाता बोगटी

प्रदेश २ को प्लेइङ : सरस्वती चौधरी, (कप्तान) सोभा आले, सन्तोषी चौधरी, आर्ती चौधरी, कविता गौतम, अनुराधा चौधरी, विमला मगर, चान्दनी अधिकारी, गोमा आले, सना प्रविन, उर्मिला चौधरी ।