दाङ (हाम्रो खेलकुद) – सगरमाथा प्रधानमन्त्री राष्ट्रिय महिला टि२० क्रिकेट प्रतियोगिता उद्धघाटन खेलमा लुम्बिनी र प्रदेश नम्बर २ बीच प्रतिस्पर्धा हुँदैछ ।

खेल बिहान नौ बजेपछि दाङको लमहीमा रहेको देउखुरी क्रिकेट मैदानमा सुरु हुनेछ । लुम्बिनी नेरी थापा र प्रदेश नम्बर २ सरस्वती चौधरीको कप्तानीमा मैदान उत्रने छन् । नियमित नेपाली क्रिकेट टोलीबाट खेल्दै आएकी सरस्वती र राष्ट्रिय क्रिकेट टोलीकी पूर्व कप्तान समेत रहेकी नेरी दुबै टोलीका प्रमुख खेलाडी हुन् । दुबै टोलीमा घरेलु क्रिकेट खेल्दै आएका खेलाडीको बाहुल्यता छ । जिल्ला र प्रदेश छनोट हुँदै टोली निर्माण गरेका दुबै टोलीमा युवा खेलाडीको बाहुल्यता छ ।

प्रदेश २ मा सरस्वतीसँगै तीव्र गतिकी बलर कविता गौतम, अनुराधा चौधरी र सोभा आले जस्ता खेलाडी छन् । यता लुम्बिनीमा नेरीसँगै युवा स्पिनर कृतिका मरासैनी, सरस्वती पुन, सर्मिला रोका मगर, लक्ष्मी चौधरी लगायतका खेलाडी छन् ।

प्रदेश दुई की कप्तान सरस्वती चौधरीले आफूहरुको लक्ष्य फाइनल सम्म पुग्ने बताएकी छिन् । आफूहले कोरोना महामारीको समयमा पनि नियमित अभ्यास गरेको हुँदा टोली बलियो भएको सरस्वतीले बताएकी छिन् । आफूहरुसँग युवा खेलाडीको बाहुल्यता भएको हुँदा सिक्ने अवसर समेत रहेको सरस्वतीले खेल अघि बताइन् । लुम्बिनी घरेलु टोली भएको हुँदा आफूहरु भन्दा कमजोर नभएको र आफूहरु जितको लागि मैदान उत्रने लागिन् ।

प्रदेश २ को महिला टोली : सरस्वती चौधरी, (कप्तान), सोभा आले (उपकप्तान), उर्मिला चौधरी, सन्तोषी चौधरी, आर्ती चौधरी, कविता गौतम, अनुराधा चौधरी, विमला मगर, रोजी कदारी, गोमा आले, मेलिना राय माझी, सना प्रविन, नितु चौधरी, चान्दनी अधिकारी

लुम्बिनी प्रदेशको टोली : नेरी थापा मगर (कप्तान), सरस्वती पुन (उपकप्तान) गीता गोसाई, स्वस्तिका बजागाईं, सरिता जि.सी., सरस्वती घर्तीमगर, सर्मिला रोका मगर, लक्ष्मी चौधरी, मधु डिसी, कृतिका मरासैनी, नितु भण्डारी, एलिसा केसी, वर्षा राना र सुस्मिता भुषाल ।