काठमाडौं (हाम्रो खेलकुद) – महोत्तरी महिला क्रिकेट टोलीले प्रधानमन्त्री महिला राष्ट्रिय एकदिवसिय क्रिकेट प्रतियोगिता अन्तर्गत प्रदेश नम्बर २ छनोटको उपाधि जितेको छ ।

महोत्तरीले आइतबार फाइनलमा सिराहलाई ८ विकेटले पराजित गर्दै उपाधि जितेको हो । पहिला ब्याटिङ गरेको सिराह १७ ओभरमा ८६ रनमा अल आउट भएको थियो । सिराहकी कविता गौतमले २४, सरस्वती चौधरीले १४ र उर्मिला चौधरीले १५ रन बनाउन बाहेक अन्य ब्याटरले राम्रो प्रर्दशन गर्न सकेनन् । महोत्तरीकी सोभा आलेले ४ ओभरमा १ मेडन सहित १२ रन खर्चेर ५ विकेट लिइन् । विमला मगरले ३ र रोइ कदारीले २ विकेट लिइन् ।

जितका लागि पछ्याएको ८७ रनको सामान्य विजयी लक्ष्य महोत्तरीले १४.४ ओभरमा २ विकेट गुमाउँदै पूरा गरेका थिए । महोत्तरीकी गोमा आले २४ र बिमला मगर ३१ रनमा अविजित रहिन् । विमलाले २५ बलमा ५ चौका प्रहार गरेकी थिइन् । गोमाले २७ बलमा ३ चौका प्रहार गरिन् । रोइ कदारी २१ र पुष्पा फुर्याल ३ रनमा आउट हुन पुगेका थिए ।

सिराहका सन्तोषी चौधरीले एक विकेट लिइन् । सोभा आले प्लेयर अफ द म्याच चुनिन् । दाङको लमहीमा पुष दोस्रो साता देखि सुरुहुने प्रधानमन्त्री महिला राष्ट्रिय प्रतियोगिताको लागि प्रदेश २ छनोट भएको हो ।