4 years ago
December 17, 2020
काठमाडौं (हाम्रो खेलकुद) – राष्ट्रिय क्रिकेट टोलीका पूर्व कप्तान तथा यू१९ टोलीका प्रशिक्षक विनोद दास नेपाल क्रिकेट संघ (क्यान) को क्रिकेट म्यानेजर पदमा नियुक्त भएका छन् ।
नेपाल क्रिकेट संघ (क्यान) ले विहिबार एक प्रेस विज्ञप्ती जारी गर्दै जनवरी एक काम गर्ने गरि दासलाई म्यानेजरमा नियुक्त गरेको जनाएको छ । त्यस्तै क्यानले राष्ट्रिय क्रिकेट टोलीको मुख्य प्रशिक्षकमा विश्वकप विजेता प्रशिक्षक डेभ ह्वाटमोरलाई नियुक्त गरेको जनाएको छ ।
क्यानले जनरल म्यानेजरमा रौनक बहादुर मल्ल र चिफ फाइनन्स अफिसरमा रमेश कुमार न्यौपानेलाई नियुक्त गरेको जनाएको छ । म्यानेजरमा पूर्व कप्तान विनोद दासमात्रै अन्तर्वार्ताको लागि योग्य रहेका थिए ।
क्रिकेट म्यानेजरमा ५ जनाले मात्र आवेदन दिएका थिए । क्यानले मागेको योग्यता पुगेका एक्ला दाबेदार दास मात्रै अन्तरवार्तामा सहभागी थिए । क्यानले म्यानेजरका लागि कम्तिमा इंग्ल्यान्ड क्रिकेट बोर्ड वा क्रिकेट अष्ट्रेलियाबाट लेभल टु कोचिङ गरेको हुनु पर्ने, म्यानेजमेन्टमा वा प्रसासनमा मास्टर डिग्रि विश्वविद्यालयबाट गरेको हुनुपर्ने, कम्तिमा दुई वर्ष नेतृत्व (लिडरसिप) गरेको हुनुपर्ने र ५५ वर्ष नकाटेको नेपाली नागरिक हुनुपर्ने माग राखेको थियो । म्यानेजरमा पाँच जनाको आवेदन पर्दा अन्य चार जना क्यानले तोकेको योग्यतामा नहुँदा सुरुवाती चरणबाटै बाहिरिएका थिए ।
विनोद दास नेपालका लागि सफल कप्तान मध्यमा हेरिन्छन् । सन् १९९७ देखि यू१९ टोलीबाट नेपाली क्रिकेट टोलीको यात्रा गरेका दासले सन् २००० मा राष्ट्रिय टोलीमा संयुक्त अरव इमिरेट्स (यूएई) विरुद्ध डेब्यू गरेका थिए । २००५ देखि २००८ सम्म राष्ट्रिय टोलीको कप्तानी गरेका थिए । सन् २०१२ सम्म राष्ट्रिय टोलीमा खेलेका थिए ।
पछिल्लो चार वर्षयता विनोद यू१९ को मुख्य प्रशिक्षकमा काम गर्दै आएका छन् । उनको प्रशिक्षकमा नेपालले सन् २०१७ मा यू१९ एसिया कपमा भारतलाई पहिलो पटक हराएको थियो । सन् २०१९ मा राष्ट्रिय महिला टोलीको प्रशिक्षकको रुपमा काम गरेका थिए । पछिल्लो समय राष्ट्रिय टोलीमा युवा खेलाडीको बाहुल्यता देखिनुमा पनि विनोद दासको प्रशिक्षणको प्रभाव मानिन्छ ।
March 17, 2025
काठमाडौं(हाम्रो खेलकुद) – ललितनारायण राजवंशीको ६ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]
