एजेन्सी – भारत र अष्ट्रेलियाबीच बोर्डर-गावस्कर टेस्ट सिरिजको पहिलो टेस्टमा भारतले टस जितेर पहिलो ब्याटिङ गर्ने भएको छ ।

कप्तान विराट कोहलीले सिरिजको एक मात्र खेल खेल्दैछन् । उनले यस खेलका लागि ओपनरमा पृथ्वी शा र विकेटकीपरमा ऋद्धिमान शाहलाई मौका दिएका छन् । ओपनरका रुपमा शुभमन गिल र विकेटकिपरमा ऋषभ पन्तको सम्भावना रहेको थियो । त्यस्तै भारतले तीन तीव्र गतिका बलरसँगै रवीचन्द्रन आश्विनलाई उतारेको छ ।

एडिलेड ओभलमा अष्ट्रेलियाले चोटको समस्याका कारण ओपनरका रुपमा म्याथ्यु वेडलाई उतारेको छ । डेविड वार्नर र विल पुकोव्सकी दुवै चोटका कारण उपलब्ध छैनन् । त्यस्तै मध्यक्रममा अलराउन्डर क्यामरन ग्रीनले डेब्यु गर्दैछन् । ट्राभिस हेडले पनि मध्यक्रममा ब्याटिङ गर्नेछन् ।

टेस्ट खेल्ने ११ खेलाडी :

भारत : पृथ्वी शा, मयंक अग्रवाल, चेतेश्वर पुजारा, विराट कोहली, अजिंक्या रहाने, हनुमा विहारी, ऋद्धिमान शाह, रवीचन्द्रन आश्विन, उमेश यादव, मोहमद शामी, जसप्रित बुमराह

अष्ट्रेलिया : जो बर्न्स, म्याथ्यु वेड, मार्नस लाबूसेन, स्टिभ स्मिथ, ट्राभिस हेड, क्यामरन ग्रिन, टिम पेन, प्याट कमिन्स, मिचेल स्टार्क, नाथन लायन, जोश हेजलवुड