एजेन्सी – अष्ट्रेलिया पूर्व कप्तान तथा शीर्षक्रमका ब्याट्सम्यान स्टिभ स्मिथ भारतसँगको ती ओडिआई सिरिजमा ‘प्लेयर अफ द सिरिज’ घोषित भएका छन् ।

अष्ट्रेलियालाई भारतसँगको तीन ओडिआई खेलको सिरिज २-१ ले जिताउन उत्कृष्ट प्रर्दशन गरेका स्मिथले कुल तीन खेलमा दुई शतक सहित २ सय १६ रन बनाए । पहिलो खेलमा ६६ रनको जित दिलाउन स्मिथले ६६ बलमा ११ चौका र ४ छक्का सहित १ सय ५ रनको शतकीय इनिङ खेलेका थिए ।

दोस्रो खेलमा भारतलाई ५१ रनले हराउन स्मिथले ६४ बलमा १४ चौका र २ छक्का सहित १ सय ४ रनको उत्कृष्ट शतकीय इनिङ खेलेका थिए । सुरुवाती दुबै खेलमा ‘प्लेयर अफ द म्याच’ चुनिएका स्मिथले ६२ बलमा शतक प्रहार गरेका थिए । जुन अष्ट्रेलियाबाट ओडिआई सर्वाधिक छिटो तेस्रो शतक पर्दछ । अष्ट्रेलिया भारतसँगको तेस्रो खेलमा भने १३ रनको झिनो अन्तरले पराजित हुन पुग्यो । तेस्रो खेलमा भने स्मिथ १५ बल खेल्दै ७ रनमा क्याच आउट हुन पुगेका थिए ।

स्मिथको ओडिआई कुल ११ शतक प्रहार गरेका छन् । जसमा भारतविरुद्ध ओडिआईमा स्मिथले ५ शतक प्रहार गरेका छन् । भारत स्मिथको सबैभन्दा लक्की विपक्ष्य टोली मानिन्छ । स्मिथको पछिल्लो पाँच इनिङ भारतविरुद्ध क्रमशः ७, १०४, १०५, १३१ र ९८ छ । तेस्रो खेलमा ‘प्लेयर अफ द म्याच’ भारतीय अलराउन्डर हार्दिक पान्ड्या घोषित भएका छन् ।

भारतलई अन्तिम खेलमा जित दिलाउन हार्दिकले ७६ बलमा ७ चौका र १ छक्का सहित सर्वाधिक ९२ रनमा अविजित रहे । भारत र अष्ट्रेलियाबीच अव तीन टि२० आई र चार टेष्ट सिरिज हुने छ । पहिलो टि२० खेल शुक्रबार क्यानबेरामा हुने छ । दोस्रो आइतबार र तेस्रो मंगलबार दुबै सिड्नी क्रिकेट मैदानमा हुने छन् ।