4 years ago
November 24, 2020
एजेन्सी – बंगलादेशका स्टार अलराउन्डर तथा पूर्व कप्तान सकीब अल हसनले बंगबन्धु टि२० कप मार्फत क्रिकेटमा पूनरागमन गरेका छन् ।
सकीबलाई गत वर्ष अन्तर्राष्ट्रिय क्रिकेट परिषद् (आइसिसी) ले सट्टेबाजको प्रस्तावबारे जानकारी नदिएर भ्रष्टाचार विरोधी संहिताको उंल्लघन गरेको आरोपमा एक वर्ष प्रतिबन्ध लगाएको थियो । सकीबले मंगलबार बंगलादेश क्रिकेट बोर्डले आयोजना गरेको बंगबन्धु टि२० कपमा मंगलबारबाट सुरु भएको उक्त प्रतियोगिता दोस्रो खेलमा खुल्नाबाट बारिशलविरुद्ध खेल्दै १३ महिनापछि क्रिकेटमा पूनरागमन गरेका हुन् ।
सकीबले पछिल्लो पटक क्रिकेट अक्टोबर १० मा क्यारेबियन प्रिमियर लिग (सिपिएल) मा बार्बाडोसबाट ट्रिनबेगो नाइट राइडर्सविरुद्ध खेलेका थिए । प्रतिबन्धसँगै सकीब अमेरिकामा बस्दै आएका थिए ।
बंगलादेशका सर्वाधिक सफल अलराउन्डर सकीबले मंगलबार पुनरागमन खेलमा खुल्नालाई ४ विकेटको जित दिलाउन औसत प्रर्दशन गरे । उनले बलिङतर्फ ३ ओभरमा १८ रन खर्चेर १ विकेट लिँदा ब्याटिङमा १३ बलमा २ चौका प्रहार गर्दै १५ रनमा आउट भए । सकीबले बारिशलका अफिफ हुसैनलाई क्याच आउट गराएका थिए । योसँगै उनका समर्थक र सुभचिन्तकको मैदानमा फर्किने पर्खाईको अन्त्य भएको छ ।
सकीबले बंगलादेशका लागि अन्तिम खेल पछिल्लो पटक सेप्टेम्बरमा अफगानिस्तानविरुद्ध टि२० खेल्दै प्लेयर अफ द म्याच चुनिएका थिए । जिम्बावे र अफगानिस्तानबीचको टि२० त्रिकोणात्मक सिरिजमा सकीब उक्त अफगानविरुद्ध ७० रनमा अविजित रहँदै बंगलादेशलाई ४ विकेटको जित दिलाएका थिए ।
सकीबले सन् २०१९ को विश्वकपमा ८ खेलमा ६ सय ६ रन बनाउँदै सर्वाधिक रन बनाउने खेलाडीको सुचिमा तेस्रो स्थानमा रहेका थिए । त्यस्तै ११ विकेट लिएका थिए । सकीब एकै विश्वकपमा १० भन्दा बढी विकेट र ६ सय रन बनाउने एक्लो खेलाडी हुन् । सकीब १५ महिना देखि अन्तर्राष्ट्रिय क्रिकेट नखेले पनि आइसिसीको ओडिआई अलराउन्डर वरियतामा शीर्षस्थानमै छन् ।
सकीबको प्रतिबन्धपछि बंगलादेशले ६ ओडिआई, ८ टि२० आई र ११ टेष्ट खेल खेलेको थियो । कोरोना महामारीको कारण अन्तर्राष्ट्रिय खेलकुद क्षेत्र प्रभावित बन्दा सकीबले धेरै खेलहरु भने गुमाउनु परेन । कोरोना महामारीको कारण सकीब प्रतिबन्धको कम मारमा पर्नु पर्यो ।
सकीबले अन्तर्राष्ट्रिय खेलमा आगमी जनवरीमा वेस्टइन्डिजविरुद्ध पूनरागमन गर्ने सम्भावना छ । बंगलादेशले जनवरी अघि अन्तर्राष्ट्रिय खेल खेल्ने छैन । सन् २००६ देखि बेंगलादेशको लागि अन्तर्राष्ट्रिय क्रिकेट खेल्न सुरु गरेका ३३ वर्षिय सकीबले ५६ टेष्ट, २ सय ६ ओडिआई र ७६ टि२० आई खेलेका छन् । सकीब बंगलादेशका सर्वाधिक सफल खेलाडी पर्छन् ।
March 17, 2025
काठमाडौं(हाम्रो खेलकुद) – ललितनारायण राजवंशीको ५ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]
