4 years ago
November 12, 2020
काठमाडौं (हाम्रो खेलकुद) – राष्ट्रिय क्रिकेट टोलीका लेग स्पिनर सन्दीप लामिछाने यूएईमा सम्पन्न इन्डियन प्रिमियर लिग (आइपिएल) २०२० मा दिल्ली क्यापिटल्समा सहभागिता जनाएर स्वदेश फर्किएका छन् ।
आज विहान दुई बजे सन्दीप नेपाल आइपुगेको सन्दीपको व्यवस्थापन हेर्दै आएका नेपाली क्रिकेट टोलीका टेक्निकल एनालिष्ट रमन शिवाकोटीले जानकारी दिए । सन्दीप तीन महिनापछि स्वदेश फर्किएका हुन् ।
झन्डै तीन साताको बसाईपछि उनी बिग ब्यास लिग (बिबिएल) खेल्न सन्दीप अष्ट्रेलिया जाने छन् । सन्दीपले बिबिएलको सुरुवाती केहि खेल गुमाउने छन् । सन्दीपले कुन टोलीबाट बिबिएल खेल्ने भने अझैं टुङ्गो भने लागेको छैन । तर सम्झौताको भने अन्तिम चरणमा पुगेको बताइएको छ ।
यसअघि दुई संस्करण मेलबर्न स्टार्सबाट खेलेका सन्दीपको सम्झौता नविकरण नभएपछि नयाँ टोलीबाट खेल्ने छन् । बिबिएल डिसेम्बर १० देखि फेब्रुअरी ६ सम्म चल्ने छ । सन्दीप गत साउन १५ मा नेपालबाट क्यारेबियन प्रिमियर लिग (सिपिएल) खेल्न वेस्टइन्डिज गएका थिए । जमैका तलावाजबाट सिपिएल खेलेका सन्दीपले १० खेलमा १२ विकेट लिएका थिए । सन्दीप सिपिएल खेलेर भदौ २९ मा संयुक्त अरब एमिरेट्स (यूएई) आइपिएल खेल्न पुगेका थिए ।
सिपिएलमा राम्रो प्रर्दशन गरेका सन्दीपले आइपिएलमा गत सिजन भन्दा बढी खेल्ने आशावादीका साथ यूएईमा दिल्लीको टोलीसँग जोडिएका थिए । तर दिल्लीले सन्दीपलाई यस सिजनमा कुनैपनि खेलमा मौका दिएन । उप विजेता बनेको दिल्लीले कुल १७ खेल खेल्दा सन्दीपलाई पूरै खेलमा प्लेइङ ११ बाहिर राखेको थियो ।
दिल्ली मंगलबार भएको फाइनलमा मुम्बईसँग ५ विकेटले पराजित भएको थियो । दिल्लीसँग यो तीन वर्षे सम्झौता अनुसार सन्दीपको अन्तिम वर्ष हो । सन् २०१८ मा तीन र २०१९ मा ६ खेल खेलेका थिए । अगामी जनवरी फेब्रुअरीमा नेपालको अन्तर्राष्ट्रिय खेलको सम्भावना हुँदा सन्दीपले बिबिएल पुरै खेल्न नपाउने सम्भावना छ ।
March 17, 2025
काठमाडौं(हाम्रो खेलकुद) – ललितनारायण राजवंशीको ६ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]
