एजेन्सी – अष्ट्रेलियाका तीब्र गतिका बलर मिचेल स्टार्कले ६ वर्षपछि बिग ब्यास लिग (बिबिएल) खेल्ने भएका छन् । अर्को महिना घरेलु मैदानमा सुरु हुने बिबिएलको लागि स्टार्कले सिड्नी सिक्सर्ससँग सम्झौता गरेका छन् ।

इंग्ल्यान्डका ओपनर जोनी बेयरस्टोले बिबिएल मेलबर्न स्टार्सबाट खेल्ने भएका छन् । स्टार्कले सन् २०११र१२ मा सिड्नी सिक्सर्सबाटै बिबिएल खेलेका थिए । सिक्सर्सलेनै त्योसंस्करणमा उपाधि जितेको थियो । सिक्सर्सले उपाधि जित्दा स्टार्कले ६ खेलमा १३ विकेट लिएका थिए । पछिल्लो पटक स्टार्कले सन् २०१४ मा बिबिएल खेलेका थिए ।

ग्लेन म्याक्सवेल कप्तान रहेको मेलबर्न स्टार्कले बेयरस्टोलाई पहिलो विदेशी खेलाडीको रुपमा अनुबन्ध गरेको छ । गत वर्षका विदेशी खेलाडीसँग स्टार्सले सम्झौता गरेको छैन । बेयरस्टोले मार्कस स्टोइनिसका साथ ओपनिङ गर्ने छन् ।

लगातार दुई सिजनमा उप विजेता सिमित भएको स्टार्स यो पटक उपाधि जित्ने रणनीतिमा हुने छ । गतवर्ष मेलबर्नबाट विदेशी खेलाडीमा नेपाली लेग स्पिनर सन्दीप लामिछाने, पाकिस्तानका तीव्र गतिका बलर हरिफ रौफ, दिलबर हसनैन र दक्षिण अफ्रिका डेल स्टेन खेलेका थिए । सन्दीपले फरक टोलीबाट बिबिएल खेल्ने तयारी गरि रहेका छन् ।

गत वर्षको च्याम्पियन सिक्सर्सको विदेशी खेलाडीमा इंग्ल्यान्डका ब्याट्सम्यान जेम्श भिन्स र अलराउन्डर टम करनलाई अनुबन्ध गरि सकेको छ । बिबिएल डिसेम्बर १० देखि ६ फेब्रुअरी सम्म चल्ने छ ।