एजेन्सी – बंगलादेशका टि ट्वान्टी क्रिकेट टोलीका कप्तान तथा अलराउन्डर महमुदूल्लाह रियादलाई कोरोना संक्रमण भएको पुष्टि भएको छ । अर्को साता पाकिस्तानमा सुरु हुने पाकिस्तान सुपर लिग ९पिएसएल० मा महमुदल्ला सहभागि हुने छैनन् ।

बंगलादेश क्रिकेट बोर्डले महमुदूल्लाहमा कोरोना संक्रमण भएको पुष्टि गरेको छ । पिएसएलको प्ले अफ आगमी नोभेम्बर १४ देखि १७ सम्म पाकिस्तानमा हुँदै छ । महमुदुल्लाहसँगै ओपनर इमाम इकबालले पिएसएल खेल्न लागेका थिए ।

महमुदुल्लाहलाई मुल्तान सुल्तानले इंग्ल्यान्डका अलराउन्डर मोईन अलीको स्थानमा टोलीमा समेटेको थियो । इकबाललाई लाहोर कलन्दर्सले अष्ट्रेलियाका ओपनर क्रिस लिनको स्थानमा टोलीमा समेटेको थियो ।

पिएसएलको को पहिलो क्वालिफायर नोभेम्बर १४ मा मुल्तान सुल्तान र कराँची किंग्सबीच हुने छ । कराँचीमा हुने उक्त खेलको विजेता फाइनलमा पुग्ने छ । एलिमिनेटरमा लाहोर कलन्दर्स र पेशावार जाल्मीबाीच प्रतिस्पर्धा हुने छ ।

दोस्रो एलिमिनेटर नोभेम्बर १५ र फाइनल १७ नोभेम्बरमा हुने छ । सबै खेल पाकिस्तानको कराँची स्थित रहेको नेशनल क्रिकेट स्टेडियममा हुने छन् । महमुदुल्लाहलाई कोरोना संक्रमण भएसँगै बंगलादेश क्रिकेट बोर्डले अर्को महिना पाँच टोलीबीच आयोजना गर्ने तयारी गरि रहेको टि ट्वान्टी कप हुनेमा शंका बढेको छ । बंगलादेशमा यसअघि आबू जायद, सैफ हसन, मशरफे मोर्तजा क्रिकेटरले कोरोना भाइरसको संक्रमणबाट मुक्त भइसकेका छन् ।